72++ පිරිසකට කරන දැන්වීමයි..

බයිස්කෝප් සිංහලෙන් ලියන බ්ලොග් එක මීට වඩා හොදින් පිලිවෙලින් කරගෙන යන අදහසින් අලුත් තැනකට අරගෙන ගියා..මේ බ්ලොග් එක ෆලෝ කරපු හැමෝම එතැනදිත් මට සහයෝගය දෙයි කියල හිතනව,ඒ වගේම බ්ලොග් එක බුක් මාර්ක් කරගනියි කියලත් හිතනව..එහෙනම් ඔයාල හැමෝම අලුත් තැනේදි හමුවෙමු... :)

මෙන්න මෙතනින් අලුත් තැනට එන්න.. :)

Crash (2004/I) | ඔබ හිතනව ඔබව කවුරුන්දැයි කියා ඔබ දන්න බව..නැත..ඔබට ඒ ගැන අදහසක් වත් නැත.!

මේ කියන්න යන කතාව නම් බොහොම වෙනස් එකක්..ඇත්තටම හොද කතාවක්..නමුත් ක්‍රියාදාම චිත්‍රපට ප්‍රිය කරන්නන්ට නම් එච්චර අල්ලල යන්නෙ නැති වෙන්න පුලුවන්..මටත් මේකෙ මුල් ටිකේ නීරස ගතියක් දැනුනත් කතාව කොහොම එකක්ද කියල තේරුම් යද්දි නම් හරිම ආසාවෙන් බැලුව..මම කතාවෙ සාරාංශය කියන්නම්කො ඔයාලට..මෙහෙමයි..මේකෙ ප්‍රධාන චරිතයක් කියල එක පුද්ගලයෙක් කියන්න බෑ..කතාව ගොඩනැගිල තියෙන්නෙ එකිනෙකට වෙනස් ප්‍රශ්ණ සහිත පුද්ගලයන් පිරිසක් වටා..මේ කට්ටිය එකට සම්බන්ද වෙන්නෙ කතාවෙ අන්තිමට,කොහොම උනත් ඇමරිකාවෙ කලු ජාතිකයන් ගැන මේකෙන් බොහේ දුරට කතා වෙනව..එකිනෙකා ජීවිතය තේරුම් ගන්න හැටි,තමන්ගේ ජීවිත වෙනස් කරගන්න හැටි,පාඩම් ඉගනගන්නා හැටි තමයි මේ චිත්‍රපටයෙන් පෙන්වන්නෙ..ඇත්තටම සාමාන්‍ය සිත් වල ඇතිවෙන සිතුවිලි ඒ ලෙසම පෙන්වන්න ගත්ත උත්සාහයක් වගෙ..ලස්සන කතාවක්..වෙනස් විදියෙ දෙයක් හිතට දනවන කතාවක් බලන්න ආස නම් ලින්ක් එක පහල ඇති..බාගන්න!

මගේ විස්තරෙ කියවල මේ කතාව බලන්න ඕන නෑ කියල හිතුන නම් ඒ අදහස වෙනස් කරගන්න මෙන්න පුංචි තල්ලුවක්..ජනප්‍රිය නළු නිළියන් රැසකගේ සහභාගීත්වයෙන් හැඩ වුනු මේ චිත්‍රපටය ඔස්කාර් සම්මාන 3ක් දිනා ඇති අතර තවත් සම්මාන 68කට නිර්දේශ වී 21ක් දිනාගෙන තියෙනව..කතාව බැලුවොත් තේරෙයි ඇයි මේකට මෙච්චර සම්මාන ලැබිල තියෙන්නෙ කියල!

මෙන්න මෙතනින් බාගන්න!

Superhero Movie (2008)

හ්ම්ම්..ස්පයිඩර් මෑන් චිත්‍රපටය බලල තියෙනවද?එහෙනම් ඉතින් මේකත් බලන්න ..ඒක් ෆිල්ම් එක වැරදි අඩුපාඩු හොයාගෙන,කතාවත් ටිකක් වෙනස් කරල, හොදට හදල තියෙනවා කොහොම උනත් හිනා යනව හොදට..මම කතාව ටිකක් කියන්නම්..මේ විස්තරේ අනුව තීරණය කරන්නකො බලනවද නැද්ද කියල..එක්තරා තරුණයෙක් ඉන්නව තම නෑදෑයන් දෙපලක් යටතේ ඇති දැඩි වුන..දිනක් පාසලෙන් මොහු ඇතුලු පිරිස එක්කගෙන යනව විද්‍යා ප්‍රදර්ශනයක් බලන්න..මේ ප්‍රදර්ශනයේදි තරුණයාගෙ ගොන් වැඩ හින්දා කූරෙක් (බත් කූරෙක්) ඔහුට දෂ්ට කරනව,එදින රාත්‍රියේදි ඔහුව තදබල ලෙස අසනීප වෙනව..මෙතැන් සිට තමයි තරුණයීගෙ ජීවිතය වෙනස් මගක් ගන්නෙ..ඔහුගෙ යාලුව,සීයා ආදීන් සියල්ලම අමුතු චරිත..ඔවුන්ගේ වැඩත් අමුතුයි..ඒ වගෙම මේ චිත්‍රපටයේදි අපිට තවත් ෆිල්ම් ගොඩක සුපිරි වීරයන් හම්බෙනව..කොහොම උනත් මේ සුපිරි වීරයා නගරය බේරගන්න හැටි බලන්න ඕන නම් බාගන්න මේ ෆිල්ම් එක..

ප.ලි..මේ කතාවෙ ප්‍රදාන චරිතය රගපානෙ බොහොම ජනප්‍රිය ටීවී සීරීස් එකක් වනDrake and Josh කතා මාලාවෙ ප්‍රධාන චරිතය රගපාන Drake Bell විසිනුයි..මගෙ අදහස අනුව මේක ගොඩක් අයට අල්ලල යන එකක් නෑ..විස්තරේ කියවල මේක රසවත් ඇති කියල හිතෙනව නම් බලන්න.. :D

මෙන්න මෙතනින් බාගන්න!

Wanted (2008) | උපරිමයි!

මේ චිත්‍රපටය නම් ගොඩක් අය බලල ඇති කියල හිතනව..ඒත් කියන්න තරම් වටින එකක් නිසා කියන්න හිතුන..සුපිරි නිලි ඇන්ජලීනා ජොලී රගපාන මෙම චිත්‍රපටය 2008 වර්ෂයේ ජනප්‍රියම ක්‍රියාදාම චිත්‍රපට අතුරින් එකක්..මේ විස්තරේ ඔක්කොම කියවන්න දෙයක් නෑ,ඔබ The metrix චිත්‍රපට මාලාව ප්‍රිය කරන්නෙක් නම් අනිවාර්යෙන් මේකටත් ආස වෙයි,ඒ චිත්‍රපටය වගේම මේකත් බොහොම සංකීර්ණයි..එක පාරින් තේරුම් ගන්න අමාරු වෙන්න පුලුවන්..කොහොම උනත් මම කතාව කියන්නම්..මේක ගති ඇති කියල හිතෙනව නම් බලන්න..එක්තරා දුර්වල ආත්ම ශක්තියක් සහිත තරුණයෙක් ඉන්නව..ඔහු තමයි මේ කතාවෙ ප්‍රධාන චරිතය..ඔහු කාර්‍යාලයේදිත්,ඉන් බැහැර ජීවිතයෙදිත් පරාජිතයෙක් වගෙයි ජීවත් වෙන්නෙ..දවසක් එක්තරා වෙලදසැලකදී කාන්තාවක් ඔහුට කියනව ඔහුගේ පියා අසවල් තැනදී මැරුණු බව,ඒ මොහොතෙම ඈ කියනව ඔහුගේ මිණීමරුව මෙතැන ඉන්නව කියල..එහෙම කියනකොටම එතැන සිටි පිරිමියෙක් ඔවුන් දෙදෙනාට වෙඩි තියනව..ඔන්න ඔහොමයි මේ පැටලිලි සහගත කතාව පටන් ගන්නෙ..මේක විද්‍යා ප්‍රබන්ධයක්,අසාමාන්‍ය බලයන් සහිත පුද්ගලයන් මේ ෆිල්ම් එකේදි අපිට හම්බෙනව..ඇත්තටම The metrix වගේමයි..නමුත් ඊට සම්පූර්ණයෙන්ම වෙනස්,අලුත්ම කතාවක්..ඔබත් හොද ක්‍රියාදාම චිත්‍රපට රසිකයෙක් නම් අනිවාර්‍යෙන් Wantedබලන්න..

මෙන්න මෙතනින් බාගමු!

The Condemned (2007) | මරණය නියතයි !

ඔන්න ගෙනාව ක්‍රියාදාම වලින් අඩුවක් නැති කතාවක්..ඒ වර්ගයේ ගොඩක් ෆිල්ම් වලට වඩා වෙනස් මේක..ඔයාලට ඒක තේරෙයි ෆිල්ම් එක බැලුවොත්..මම නම් ආසාවෙන්ම බලපු ෆිල්ම් එකක්..මම කතාව කියන්නම්කො ටිකක්..එක්තරා පුද්ගලයෙක් විසින් ලෝකයේ බිහිසුණුම වාර්තා තියෙන සිරකරුවන්10ක් නිදහස් කරගන්නව ඉහළ නිලධාරින් පගාව දීම මගින්..මේ අය නිදහස් කරගන්නෙ විශේෂ,බිහිසුණු වැඩසටහනකට සහභාගී කරගැනීමට..මම මේ වැඩසටහන ගැනත් කියන්නම් ටිකක්..මේ 10දෙනාගෙ කකුල් වලට බෝම්බ සවි කරල මොවුන්ව ගුවන් මගින් එක් දූපතක වෙනස් වෙනස් පැති වලට ගෙනත් දානව,මේ බෝම්බ පැය 30ක් ඇතුලත ඉබේම පිපිරෙන්නයි නිර්මාණය කරල තියෙන්නෙ..මේ 10දෙනාගෙන් අර බෝම්බයෙන් නිදහස් වෙන්න ලැබෙන්නෙ එක්කෙනෙක්ට පමණයි..ඉතින් අනිවාර්‍යෙන්ම මේ 10දෙනා එකිනෙකාව මරාගන්නවනෙ..මේ මුලු දූපතේම කැමරා සවි කරල තියෙනව බොහොම රහසිගත විදියට ඒ මගින් සජීවීව අන්තර්ජාලය හරහා මොවුන් දූපතේදි එකිනෙකාව මරාගන්නා හැටි,ඔවුන්ගේ උපක්‍රම,ඔවුන්ගේ ක්‍රියාදාමයන් පෙන්නනව..මේ වැඩසටහන මිලියන ගනනක් පිරිස අන්තර්ජාලයෙන් නරඹනව,මෙයට තේරුනු එක් සිරකරුවෙක් වටා තමයි කතාව ගෙතිල තියෙන්නෙ,අන්තිමට ඔහු නිසා මෙහි නිශ්පාදකවරුන්ට නොසිතූ දෙයකට මුහුණ දෙන්න වෙනව..ඔන්න කතාවෙ ප්‍රධාන දේවල් ඔක්කොම කිව්ව මම..ක්‍රියාදාම චිත්‍රපටි ප්‍රිය කරන්නන් අනිවාර්‍යෙන් බලන්න...

මෙන්න මෙතනින් බාගන්න!

The Onion Movie (2008)

මේ කියන්න යන්න තරමක් වෙනස් කොමඩියක් ගැන..ඉවසීමක් තියෙන අය මේක බලන්න..මොකද එක තැනකදි අපිට තරහ යනව,තවත් තැනකදි හිනා යනව..මට දැනුන විදියට නම් මේකත් යන්නෙ Scary Movie ක්‍රමයටමයි..ඒ නිසා ඒ වගේ ෆිල්ම් වලට කැමති අය විතරක් බලන්න..ගොඩක් හිනා යන කෑලි තිබුනත් සමහර තැන් වලදි කම්මැලි හිතෙනව..හ්ම්ම්ම්..චිත්‍රපටයේ කතාව ගැන නම් කියන්න විශේෂයක් නෑ,The Onion කියන ප්‍රවෘත්ති ජාලය මුල් කරගෙන තමයි කතාව ගෙතිල තියෙන්නෙ..ඔවුන් ප්‍රවෘත්ති කියන විදියත්,ඒ කියන ප්‍රවෘත්තිත් වලට තමයි හිනා යන්නෙ..නමුත් මේක හැමෝටම අල්ලල යයි කියල නම් මට හිතෙන්නෙ නෑ..පොඩ්ඩක් මේ විස්තරේ ආයෙ පාරක් කියවල තීරණය කරන්න බානවද නැද්ද කියල..

මෙන්න මෙතනින් බාගන්න

The Simpsons Movie (2007) | හිනා වෙන්න ඕන නම් අනිවා බලන්න!

මේ මම ලියන යන්නෙ 2007 වසරෙදි මම බලපු හොදම කොමඩි මූවි එක ගැන..මේක නම් ඔයාලත් බලන්න ඕන අනිවාර්යෙන්..ගොඩක් අය දන්නව ඇති මේ The Simpsons කියන්නෙ කාටුන් එකක් කියල..මේ ඒ කාටූන් මාලාවේ චිත්‍රපටය..මම ඒ කාටුන් බලල නැති උනත් මේ ෆිල්ම් එක බැලුව..එක පාරක් නෙවෙයි කීප පාරක්ම..ඒ හැම මොහොතෙම බඩ පැලෙන්න හිනා ගියා..ඇත්තටම එල ෆිල්ම් එකක්..මම කතාව කියන්න කලින් මේකෙ එන චරිත ගැන කියන්නම් ටිකක්..Simpsons පවුලේ තාත්ත මිදි ගෙඩියක් තරම් වත් මොලයක් නැති කෙනෙක්..ඔහුගේ පුතාත් ඊට ටිකක් සමානයි..ඔහු බොහොම දඩබ්බර කෙනෙක්..සහෝදරියන් දෙදෙනාත් මවත් බුද්ධිමත්..මේ පවුලට වෙන කරදරයක් ගැන තමයි මේ කතාවෙන් කියන්නෙ..දැන් මම කියන්නම් කතාවෙන් ටිකක්..දිනක් පල්ලියෙදි Simpsons පවුලේ සීය අනාවැකියක් කියනව..නමුත් කාටවත් ඒක තේරෙන් නෑ.. මේ සිද්දියෙන් පස්සෙ මේ පවුලේ පියා සුරතලයට ඌරෙක් ඇති කරන්න ගන්නව..ඔහුගෙන් තමයි කරදර පටන් ගන්නෙ..ඌරගෙන් නම් කරදරයක් නෑ..නමුත් Simpsons ගේ මොළේ නැති කම තමයි ප්‍රශ්නෙ..මීට වඩා කතාව කියල ඒකෙ රසය අඩු කරන්නෙ නෑ මම..පුලුවන් නම් බලන්න...ඔයාල වෙන ඕනම ෆිල්ම් එකක් බැලුවට වඩා මේක බලල හිනා වෙයි කියල හිතෙනව..

Ps:ඔයා කාටුන් බලන්නෙ නැති කෙනෙක් වෙන්න පුලුවන්..ඒත් මේක බලන්න කියලයි මම නම් කියන්නෙ ඔයාලට..මොකද ඒ තරම් ගති ෆිල්ම් එක!

මෙන්න ලින්ක් එක!

The Uninvited (2009)

හොද හොල්මන් ෆිල්ම් එකක්..American Psycho හා Fight Club චිත්‍රපට වලට ට චුට්ටක් සමානයි අන්තිම හරිය..කතාවෙ වරදක් නෑ..අන්තිමට අපිව පුදුමයට පත් කරනව...හ්ම්ම්ම්..බයවීම ගැන සලකා බැලුවොත් ඒ අතිනුත් චිත්‍රපටය හොදයි කියන්න පුලුවන්..ප්‍රසිද්ධ නිළියන් දෙදෙනෙක් හා නළුවෙක් රංගනයෙන් දායක වෙලා තියෙනව..මම කතාව ටිකක් කියන්නම්..තරුණ ගැහැණු ළමයෙක් එක් තැන් වු තමන්ගේ මවත් සමග ජීවත් වෙනව..දවසක් මේ මව ඉන්න තැන ගිනිගෙන විනාශ වෙනව..මවත් මේ සමග මිය යනව..එතැන් සිට ඇය අමුතු දේවල් දකින්නට ගන්නව..(ඔව් ඔව් බය හිතෙන දේවල් තමයි )ඊලගට මේ ළමය තම පියා එක්ක ජීවත් වෙන්න යනව..ඇයගේ මවගෙ මරණය සම්බන්ධ තොරතුරු රෑසක් එහිදි දැනගන්න ලැබෙනව..හ්ම්ම්ම්..මීට වඩා කියන්න අමාරුයි මට..මේ ටික නම් ගොඩක් කතා වල තියනව,මේ මුල් ටික විතරයි..එත් මෙතැන් සිට කතාව වෙනස්,හොල්මන් ෆිල්ම් බලන්න ආස කෙනෙක් නම් බලන්න මේක..එහෙනම් බය නැතුව බාගන්න,බලල බය වෙන්න..

මෙන්න මෙතනින් බාගන්න!

The Curious Case of Benjamin Button (2008) | අවරෝහණයි!

The Reader ගැන ලිව්වට පස්සෙ මේ තරම් අභියෝගයක් ලැබුනේ නෑ මට ගොඩක් කාලෙකින්..ඇත්තටම මේ චිත්‍රපටය ගැන ලියන එක හරිම අමාරු දෙයක්..අපේ ජීවිතර අවරෝහණ පිළිවෙලට උනොත් කොහොමද?නිකමට වත් හිතල තියෙනවද ඒ ගැන?හිතල බලන්නකො..එතකොට මේ චිත්‍රපටය බලන්න ආසාවක් ඇති වෙයි..අනිත් ලිපි වල වගේ මම මේකෙත් කතාව ටිකක් දුරට කියන්නම්..මෙන්න මෙහෙමයි කතාව..මරණාසන්න කාන්තාවක් රෝහලේදි තම දියණියට එක්තරා දින පොතක් දී කියනව එය තමන්ටත් ඇහෙන්න කියවන ලෙස..මේ දිනපොතේ ඇති කතාව තමයි මෙතැන් සිට අපිට බලන්න වෙන්නෙ..දැන් මම මේ කියන්නෙ එම දිනපොතේ කතාව..එක්තරා පවුලකට දරුවෙකු ලැබෙනව..දරු උපත නිසාම එම කාන්තාව මිය යන අතර දරුවාගෙ පියා මේ පිළිබද තරහින් මේ දරුවාව මහළු නිවාසෙක පඩිවෙලකින් තියල එනව..මේ සිගිත්ත අසාමාන්‍ය අන්දමට විරූපෙයි..ඒත් කරුණාවන්ත කාන්තාවක් වන මහළු නිවාසයෙ සාත්තු සේවිකක් විසින් මේ දරුව හදාවඩාගන්නව..මොහුට අවුරුදු 7ක් වන විට පෙනුම අවුරුදු 90ක පමණ මහල්ලෙකුගෙ වගෙයි..මොහු ජීවත් වෙන්නෙ මහලු නිවාසයක නිසා මර්ණය ඔහුට අලුත් දෙයක් නෙවෙයි..ඔහුගේ ජීවිතය ගෙවෙන්නෙ බොහොම වෙනස් විදියට..ඒ ගැන මම කියුඅන්නෙ නෑ, ඔයත් ජීවිතය,අනිත්‍ය,සතුට,ආදරය,වෙන්වීම, ආදි හැගීම් දැනෙන කෙනෙක් නම් අනිවාර්යෙන් බලන්නThe Curious Case of Benjamin Button ,ඔබට දැනෙන දේට නව අරුතක් එක් කරාවි මේ චිත්‍රපටය..

ඕපදූප:- මේ චිත්‍රපටය ඔස්කාර් සම්මාන 3ක් දිනා ඇති අතර තවත් සම්මාන 68කට නිර්දේශ වී 21ක් දිනාගෙන තියෙනව..සෙල්ලම් නෑ නෙද? :P ඒ වගෙම මේ ප්‍රධාන චරිතය රගපාන බ්‍රැඩ් පීට් ගේ රංගන කුසලතාව නිසා තවත් හැඩවෙලා තියෙනව මේ චිත්‍රපටය..

මෙන්න මෙතනින් බාගන්න!

Bride Wars (2009) | මගුල යුද්ධයකි..

අලුත්ම ෆිල්ම් එකක්..සරළ කතාවක් උනත් හිනා යනව බලනකොට ( ලංකාවෙ ෆිල්ම් හෝල් වලත් මේක තිරගත උනා )..මම කියන්නම්කො කතාව..ඔන්න අහගන්න එහෙනම්..පොඩි ගැහැණු ළමුන් දෙදෙනෙක් බොහොම ලස්සන ශාලාවක විවාහ උත්සවයකට සහභාගී වෙනව..පසුව මේ දෙන්නත් තීරණය කරනව කවදා හරි ඔවුන්ගේ විවාහ උත්සවයන් ගන්නෙත් මේ ශාලාවෙම බව..මේක අතීතයෙ සිදුවීමක්..දැන් මේ දෙන්න තරුණයි..කොහොම හරි මේ දෙදෙනාටම එකම කාලයදී විවාහ ගිවිසගන්නට ලැබෙනව..මේක බොහොම වැදගත් ශාලාවක් නිසා මේ දෙන්න කලින්ම යනව දින වෙන් කරගන්න..නමුත් පොඩි වැරදීමක් නිසා මේ දෙන්නටම එකම දිනයේ තමයි උත්සවය ගන්න වෙන්නෙ..ඒ කියන්නෙ දෙන්නගෙන් එක්කෙනෙක් තමන්ගේ උත්සවය කල් දාන්න ඕන..එහෙම නැත්නම් දෙන්නාම එකම දවසෙ බදින්න ඕන..මේ දෙකටම දෙන්නාම කැමති නෑ..ඔන්න දැන් තමයි ෆිල්ම් එකේ නමේ තියන හැටියටම මනාලියන්ගේ යුද්දය පටන් ගන්නෙ..දෙන්නගෙ වැඩ වලට ටිකක් හිනා යනව අපිට..ෆ්‍රී වෙලාවක බලන්න..

මෙන්න මෙතනින් බාගන්න..

Meet Dave (2008) | බොලාට හිනා පළ!

ඔන්න ගෙනාව කොමඩියක්..නිකම්ම නිකම් එකක් නෙවෙයි..හොදට හිනා යන,ඒ වගේම බලන්න තරම් වටින කතාවකුත් තියෙන එකක්..මම මේ ෆිල්ම් එකේ කතාව කියන්නම් ටිකක් දුරට..ඒත් මේක බලනකොට තමයි හිනායන්නෙ..කොහොම උනත් මෙන්න මේකයි කතාව..ඇමරිකාවෙ එක් සාමාන්‍ය නිවසකට අහසින් කඩාගෙන වැටෙනව පුංචි ගල් කෑල්ලක් වගෙ දෙයක්..මේ ගෙදර ළමය මේක දැකල ඒක අරන් තියාගෙන ඉන්නව..දැන් මීට මාස තුනකට පස්සෙ මේ පෙදෙසටම කඩාගෙන වැටෙනව තවත් දෙයක්..ඒක නම් දැක්කම පුදුම හිතෙනව..මොකද මේ වේගෙන් කඩාගෙන වැටෙන්නෙ මිනිසෙක් (එහෙම වෙන්න බෑ වගේ හිතෙනවද?නෑ නෑ එහෙම වෙන්න පුලුවන්..බැලුවොත් තේරෙයි..)..මොහු පෘතුවියට ආගන්තුකයෙක්..පෘතුවියේ වෙන දෙවල්, සිරිත් විරිත් ඔහු දන්නෙ නෑ..ඉතින් මොහු පාරෙ යද්දි වාහනයකට හැප්පෙනව,වාහනයේ පදවන්නේ කාන්තවක්,ඇය වාහනයෙන් බැස එද්දිම මේ පුද්ගලය අතුරුදහන් වෙනව..මේ කතාවෙ මුල් ටික විතරයි..ඇත්තටම හොද කතාවක් වගෙම හොදට හිනා යන චිත්‍රපටයක් කියන්නත් පුලුවන්..කොහොම උනත් ටිකක් හිනා වෙන්න ඕන නම් බලන්න Meet Dave ..සංකීර්ණ ප්ලෑන් එකක් නෙවෙයි..

මෙන්න මෙතනින් බාගන්න

Apocalypto (2006) | දුවාපං...

ඔන්න තවත් සුපිරි චිත්‍රපටයක්..ඔයාල අනිවාර්යෙන් බලයි කියල හිතනව..මේක මීට අවුරුදු ගනනාවකට පෙර ගෝත්‍රික යුගයේ කතාවක්..මම කතාව ටිකක් විස්තර කරල පස්සෙ ෆිල්ම් එක ගැන මට හිතෙන දේ කියන්නම්..කතාව මෙහෙමයි..එක් ගෝත්‍රයක් බොහොම් සතුටින් ජීවත් වෙනව..ඔවුන්ට දඩයම් වලින්,ගැහැණුන්ගෙන් අඩුපාඩුවක් නෑ..දිනක් ඔවුන් දඩයමේ ගිය විට වෙනත් ගෝත්‍රයක් හම්බෙනව..එම ගෝත්‍රය වෙනත් කැලයකට අයිති එකක්..ඔවුන්ගේ ඉඩකඩම් තවත් ගෝත්‍රයක් විසින් පැහැරගත් නිසා ඔවුන් යනව අලුත් ආරම්භයක් සොයා..ඒ සිද්දිය එතනින් ඉවරයි..දැන් මේ කතාවෙ මම මුලින්ම කිව්ව (කතාවෙ ප්‍රධාන ) ගොත්‍රය රාත්‍රියේ නිදාගෙන සිටිනව..මේ අතරතුර ඔවුන්ව ආක්‍රමණය කරනව වෙනත් පිරිස විසින්..ඔවුන් බොහොම දරුණු පිරිසක්..ආක්‍රමණිකයන් විසින් ශක්තිමත් පිරිස විතරක් වහල්ලු ලෙස අරගෙන යනව..මේ පිරිසට අයත් වන තරුණයෙකුගේ කතාව තමයි මින් කියැවෙන්නෙ..ඇත්තටම හරිම ලස්සන කතාවක්..මිනිස් හැගීම් ප්‍රාථමික මට්ටමෙන්ම අපිට බලාගන්න පුලුවන්..කෙනෙක් මැරුණොත් ඔහු ගැන දුක් වෙමින් දින ගනනාවක් සිටින්නෙ නෑ,එ වගෙම ආදරය කරන කෙනෙක් වෙනුවෙන් කරන්න බැරි දෙයක් නෑ,වේදනාවන් ඔවුන්ගෙ එදිනෙදා ජීවිතයේම කොටසක්..ඇත්තටම අපිව වෙනස්ම කාලයකට ගෙනයන චිත්‍රපටයක් කියන්න පුලුවන්..

O.P.D.P:-මේක ඔස්කාර් සම්මාන 3කට නිර්දේශ වෙලා තිබෙනව,තවත් සම්මාන 13කට නිර්දේශ වී තිබෙන අතර 6ක් දිනා තිබෙනවා..

මෙන්න මෙතනින් බාගන්න!

Rab Ne Bana Di Jodi (2008) | එළකිරි..!

මේ ෆිල්ම් එක ගැන ගොඩක් කල් ඉදන් ලියන්න ආසවෙ හිටියත් ඔයාලට දෙන්න හොද කොපියක් නැති නිසා ලිව්වෙ නෑ..ඔන්න අද ඒකට අවස්ථාව ලැබිල තියෙනව..මේක චුට්ටක් බොළදයි නමුත් බොහොම ලස්සන ෆිල්ම් එකක්..හ්ම්ම්ම්..මම කතාව කිව්වොත් අගයක් නැති වෙයිද මන්ද..කොහොම උනත් ටිකක් වෙනස් කතාවක් තියෙනව මේකෙ..ගොඩක් ෆිල්ම් අවසන් වෙන්නෙ ප්‍රධාන චරිත වල ජීවිත එකලාසයක් වීමෙන් (කසාද බැදීමෙන් ) නමුත් මේක ඒකෙ අනික් පැත්ත..පටන් ගන්නෙම දෙන්න කසාද බැදල..මෙහෙම කිව්වම ඉතින් හිතන්නෙපා එහෙනම් ෆිල්ම් එක කම්මැලි ඇති,මොකද විවාහ ජීවිතයනෙ පෙන්නන්නෙ කියල..මෙන්න මෙහෙමයි කතාව..මම කලින් කිව්ව වගෙ තරුණ යුවලක් කසාද බැදල ස්වාමිපුරුශයාගෙ ගෙදර එනව..මොවුන් මුණගැහිල තියෙන්නෙ මීට එක් දවසකට කලින්..ඉතින් දෙන්න අතරෙ ආදරයක් නෑ..මොවුන් අතර ආදරය ඇති වෙන එක තමයි කතාවෙ තේමාව..හ්ම්ම්..ඇත්තටම මෙහි ෂාරුක් ඛාන්ගේ රංගනය නිසා ඇසට කදුලක් නැගෙන අවස්ථා වගෙම බඩ පැලෙනකම් හිනා යන අවස්ථාත් තියෙනව..කොහොම උනත් ඔයාලට හොද රසවින්දනයක් ලබාගන්න පුලුවන් ෆිල්ම් එකක්,අනිවාර්යෙන් බලන්න..

O.P.D.P:-මෙක ෆිල්ම් ෆෙයාර් උළලේ සම්මානයක් ලබාගෙන තියෙනව ඒ වගෙම තවත් සම්මාන 5කට නිර්දේෂ වෙලත් තියෙනව..(මම මේ දීල තියෙන්නෙ කැමරා කොපියක් නෙවෙයි..)

මෙන්න මෙතනින් බාගන්න!

The Sisterhood of the Traveling Pants 2 (2008)

මේ ෆිල්ම් එක ගැන මුලින්ම කියන්නෙ මේකෙ පළවෙනි කොටස බලන්න කියල තමයි..The Sisterhood of the Traveling Pants 2 චිත්‍රපට මාලාවෙ දෙවනි චිත්‍රපටය තමයි මේ..පළමු කොටසේ ආකෘතිය අනුවම තමයි මේකත් හදල තියෙන්නෙ..ඒ කියන්නෙ මේ කලිසමේ ගමනින් තමයි ගොඩක් සිද්දි එකට සම්බන්ධ කරල තියෙන්නෙ..කොහොම උනත් මට හිතෙනව කළින් එකට වඩා මේකෙ යුරෝපීය රටවල් වල තරුණ පරපුරේ ප්‍රශ්ණ සාකච්චා කර ඇති බව..නමුත් ගැඹුරට නෙවෙයි..මම මේකෙ කතාව කියන්න යන්නෙ නෑ..මේ ලින්ක් එකෙන් ගිහින් බලන්න මේකෙ පළමු කොටස ගැන මම ලිව්ව ලිපිය..කතාව හොදයි කියල හිතෙනව නම් ඒක බලල ඊලගට මේ ෆිල්ම් එක බලන්න..කතාව හොදයි..ඔයාල ඒක රසවිදියි කියල මම හිතනව... :)

මෙන්න මෙතනින් බාගන්න!

Never Back Down (2008) | වලි බ‍රයි.!

මේ නම් කියන්න යන්නෙ එළම ෆිල්ම් එකක් ගැන..මම හිතනව මම වගේම ඔයාලත් මේක ආසාවෙන් බලයි කියල..මේකෙ සමහර තැන් තියෙනව අපිට නැවත නැවතත් බලන්න හිතෙන..ඒ තරම් ගති ෆිල්ම් එක! හ්ම්ම්ම්...කතාව ගැන නම් කියන්න තියෙන්නෙ මේක විශේෂ කතාවක් නෙවෙයි...මේ තේමාවෙන් ගොඩක් ෆිල්ම් තියෙනව..නමුත් මේ කතාවෙ සටන් වගේම හැගීම්ත් යොදාගෙන තියෙනව ෆිල්ම් එක ලස්සන කරන්න..දැන් මම කියන්නකො කතව..මෙහෙමයි..එක්තර හිතුවක්කාර තරුණයෙක් ඉන්නව..ඔහු යන යන තැන රණ්ඩු වලට පැටලැවෙනව..මේ නිසා ඔහුගේ මවට ඔහුත් රැගෙන නිතරම නිවාස ආරු කරන්න වෙනව...මේ රණ්ඩු නිසාම ඔවුන් එනව වෙනත් පෙදෙසකට,මෙහිදි මෙම තරුණයා ඇතුලත් වෙන පාසලේදිත් ඔහු රණ්ඩු වලට පැටලෙනව..මේ පාසලේ ඉන්නව අති දක්ශ සටන් කරුවෙක්..මොහුත් සමග සටනට ගෙහින් ඔහු හොදටම මට්ටු වෙනව දවසක්..මොහුගෙන් පලිගන්න හිතාගෙන මේ තරුණයා කරාටි ඉගනගැනීමට යනව පන්තියකට.මෙහි ගුරුවරය අප්‍රිකානුවෙක්..ඔහු නිසා මේ තරුණයාගෙ ජීවිතය අලුත් පණක් ලැබෙනව..මෙතැන් ඉදන් ඔහු වෙනස් වෙනව..මේ කතාවෙ බාගයක් විතරයි මම කිව්වෙ..මින් ඉදිරියට තමයි ලස්සන කොටස තියෙන්නෙ..මේක බලන්න කියල තමඉ මම නම් කියන්නෙ..ගති ෆිල්ම් එක!

මෙන්න මෙතනින් බාගන්න!

The Happening [2008] | අත්භූතයි!

හ්ම්ම්ම්..තවත් ටිකක් කුතුහලය දනවන ෆිල්ම් එකක් ගැනයි මේ කියන්න යන්නෙ..Mark Wahlberg රගපාන එකක් නිසා මම නම් ආසවෙන් බැලුව..මම කතාව කිව්වම ඔයාලට මේක අල්ලල යයි කියල හිතෙනව නම් විතරක් බලන්න...මොකද මේක හැමෝටම ගැලපෙනවද කියල හිතාගන්න අමාරුයි මට..කොහොම උනත් කතාව මෙහෙමයි..එක්තරා උද්‍යානයක මිතුරියන් දෙදෙනක් වාඩි වෙලා ඉන්නව..නමුත් එක පාරම මේ දෙදෙනාගෙන් එක්කෙනෙකුත් උද්‍යානයෙ ඇවිදිමින් සිටි සියලු පිරිසත් ගල් ගැසෙනව..මේ අතර ගල් ගැසුනු මිතුරිය තම කොණ්ඩාකටුව ගෙන තමන්ගේම බෙල්ලට ඇනගන්නව..දැන් වෙනත් පැත්තක! පිරිසක් මහල් ගොඩනැගිල්ලක් සෑදීමේ නිරත වෙලා ඉන්නව..මේ අතර පහළ සිටිය අයට එක්වරම දැකගන්න ලැබෙන්නෙ ඉහළම මහගේ සිට කම්කරුවෙක් වැටී ඇති බවයි..මේ සමගම තව සද්දයක් එනව,ඒ පැත්ත බැලුවම පේන්නෙ තවත් කම්කරුවෙක් වැටුන බවයි..තව කෙනෙක්,තව කෙනෙක්..මෙහෙම දිගටම පිරිස වැටෙන්න ගන්නව ඉහළ සිට..පහළ සිටින අය උඩ බැලුවම දැකගන්නට ලැබෙන්නෙ මොවුන් හිතාමතාම උඩ සිට පැන සිය දිවි හානිකරගන්නා බවයි..ඇත්තටම කියනව නම් මේ මුල්ම ටික විතරයි....අමුතුයි නේද කතාව,හැම මොහොතෙම හිතට කුතුහලය දැනෙන කතාවක්..ඒ වගෙම විද්‍යා ගුරුවරයෙක් ඇතුලු පිරිසක් මේ ව්‍යසනයෙන් පණ බේරාගන්න දරන උත්සාහයක් තමයි කතාවෙන් දැක්වෙන්නෙ..විස්තරෙ කියෙව්වම කතාව බලන්න ඕන කියල හිතුන නම් ලින්ක් එක පහල ඇති..බාගන්න!

බාන්න ඕන නම් මෙතන කොටන්න!

The Sisterhood of the Traveling Pants (2005)

තවත් ලස්සන කතාවක්..තරුණ ගැහැණු ළමුන් 4 දෙනෙක්ගෙ නිවාඩු කාලයක් ගැන තමයි කතාව කියවෙන්නෙ..ඕන කෙනෙක්ට ආසාවෙන් බලන්න පුලුවන් ගිල්ම් එකක්...හ්ම්ම්..මම කියන්නම්කො කතාව පිලිවෙලින්..එකිනෙකට වෙනස් ගති පැවතුම් ඇති ගැහැණු ළමුන් 4 දෙනෙක් ඉන්නව..ඔවුන් පොඩි කාලෙ ඉදලම එකට හැදුන වැඩුන අය..මේ අය දවසක් කඩේකට යනව ඇදුමක් ගන්න..එහිදි මෙයාල එක කලිසමක් අරගෙන ඇදල බලනව..මේක සාමාන්‍ය කලිසමක් වෙන්න බෑ..මොකද දන්නවද?මේ හතරදෙනා එකිනෙකට වෙනස් ශරීර ප්‍රමාණයන්ගෙන් යුතු උනත් මේ කලිසම හතරදෙනාටම නූලටම ගැලපෙනව,මේක නිකම්ම කලිසමක් වෙන්න බෑ නෙ?ඔවුන් මේක වාසනාව ගෙනදෙන්නක් බව විශ්වාස කරනව..ඉතින් මෙයාල පොරොන්දුවක් වෙනව ඔවුන්ටම මේ කලිසම මාරුවෙන් මාරුවට අදින්න..එක්කෙනෙක් සතියක් ඇදල අනික් කෙනාට කලිසම දෙන්න ඕන..ඒත් එක්කම ලිපියක් යවන්නත් ඕන එයාලට උන සිදුවීම් ගැන කියල..කොහොම හරි නිවාඩුවට මේ හතර දෙනා වෙන් වෙලා යනව..මේ හතරදෙනත් ඔවුන් වටා සිදුවීම්ත් "කලිසමේ ගමනින්" සම්බන්ද කරල තියෙනව හරිම අපූරුවට..ගති ෆිල්ම් එක..

ප:ලි
මේකෙ දෙවනි කොටසත් ළගදි ආව..ඉක්මනට ඒකත් දෙන්නම්... :D

බානව නම් මෙතන කොටන්න..

Inkheart (2008)

සුරංගනා කතාවක් වගේ ෆිල්ම් එකක් ගැනයි මේ කියන්න යන්නෙ..පොඩි අයට වැඩියෙන් ගැලපෙන එකක්..නමුත් හොද කතාවකින් රසවින්දනයක් ලබාගන්න හැකියාව තියෙන ඕන කෙනෙක්ට ගැලපෙනව..කතාව මෙහෙමයි..එක් පුද්ගලයෙක් ඔහුගේ සිගිති දියණියට සුරංගනා කතාවක් කියනව පොතක් බලාගෙන..නමුත් මේ පුද්ගලයා විශේෂ කෙනෙක්..ඔහු කියන කතා ඇත්ත වෙනව..මේ බව ඔහු දැනගන්නකොට පරක්කු වැඩියි..මම එහෙම කිව්වෙ ඇයි කියල ඔයාලට තේරෙයි කතාව බැලුවොත්..මොහු දියණියට කියවපු Inkheart නැමැති පොත අමුතු එකක්..එහි සියලු චරිත මෙලොවට පැමිණියොත් කොහොම වෙයිද?දුශ්ටයා,වීරයා වගේම අනික් සියලුම චරිත සැබවින්ම මෙළොවට පැමිණියොත්?ඔවු ඇත්තටම ඔවුන් සියල්ලම මෙලොවට පැමිණෙනව..මේ කතාවෙ ආරම්භය විතරයි..මෙතැන් සිට තමයි අපිට බලන්න දෙවල් තියෙන්නෙ..වෙනස් විදියක කතාවක්..ලස්සනයි..ඔයාල ක්‍රියාදාම,මිණීමැරුම්,හොල්මන් චිත්‍රපට වලින් හෙම්බත් වෙලා නම් බලන්න Inkheart ..වෙනසක් දැනේවි හිතට..

බානව නම් මෙතන කොටන්න!

The Wrestler (2008)

හ්ම්ම්ම්..මේ කියන්න යන්නෙ බොහොම තදින අපේ හිතට වදින කතාවක් ගැන..මේකෙ නම දැක්කම නම් හිතන්නෙ බොහොම දරුණු සටන් වලින්ම පිරුණු කතාවක් කියල..නමුත් මේක ඊට එහාට ගියපු කතාවක්..මම කතාව කියන්නම් දැන්..එතකොට ඔයාලට තේරෙයි..රෙස්ලිං ශූරයෙක් වටා තමයි මේ කතාව ගොඩනැගෙන්නෙ..මොහු අවුරුදු 20ක් තිස්සෙ ක්‍රීඩාවේ නි‍යැලෙන්නෙක්..දිනක් තරගයක් අතරතුර අණතුරකට මුහුණ දෙන මොහුට වෛද්‍යවරු නියම කරන්නෙ ක්‍රීඩාවෙන් ඉවත්ව විවේකීව සිටින ලෙසයි..මෙතැන් සිට තමයි කතාව වෙනස් මගක් ගන්නෙ..ක්‍රීඩාවෙන් එදාවේල හම්බකරගත් මොහුගේ ඉරණම සුඛිත මුදිත එකක් නෙවෙයි..මෙතැන් පටන් ඔහු ජීවත් වෙන්න කරන අරගලය හා ඔහු වටා පරිසරය ක්‍රියාත්මක වෙන අයුරු තමයි චිත්‍රපටයේ දැක්වෙන්නෙ..හරිම ලස්සන කතාවක්..පුලුවන් නම් බලන්න..ෂෝක් ෆිල්ම් එක!

The Wrestler ගැන තව දුරටත්:-
මේ Wrestling තරග හදන්නෙ කොහොමද කියල දැනගන්න ඕන කමක් තියෙන කට්ටියත් මේක බලන්න..ඒ වගේම වල මේක IMDB චිත්‍රපට පෙළගැස්ම අනුව ලොව හොදම ෆිල්ම් අතරෙන් 74 වෙනි ස්ථානයේ තමයි දැනට තියෙන්නෙ..

බානව නම් මෙතන කොටන්න!

Fight Club (1999) | උප‍රිමයි.!!

මේක නම් හරිම පැටලිලි සහගත කතාවක්..හැබැයි එළම තමයි..බොහොම ජනප්‍රිය චිත්‍රපටයක්..අන්තිමේදී කතාව වෙනස් වෙන හැටි හිතාගන්නත් අමාරුයි..කොහොම උනත් මම කතාවෙ මුල් ටික කියන්නම්..හැබැයි මම සහතික වෙනව ඔයාල හිතනවට වඩා අන්තිම ටික බොහොම වෙනස් කියල..මෙන්න මෙහෙමයි කතාව..එක්තරා පුද්ගලයෙක් ඉන්නව ගොඩක් අසහනයෙන් ජීවත් වෙන..ඔහුට හරිහැටි නින්ද යන්නෙ වත් නෑ..මොහු මේ අසහනයෙන් මිදෙන්න විවිධ වැඩසටහන් වලට සහභාගී වෙනව..නමුත් එකක් වත් හරියන්නෙ නෑ..මොහු දිනක් ගුවන් ගමනකින් පසු තම නවාතැනට පැමිණිවිට දක්නට ලැබෙන්නේ එය සම්පුර්ණයෙන්ම ගිනිගෙන විනාශ වී ඇති බවයි..දැන් මොහුට යන්න තැනකුත් නෑ..ඒ නිසා ඔහු කතා කරනව මේ ගුවන් ගමනේදී හමුවු මිතුරෙකුට,ඔහු අමුතුම තැනැත්තෙක්..ජීවිතය විදින්නෙක්,සමහර වෙලාවට විදවන්නෙක්..මොවුන් දෙදෙනා එකතුවී කරන දේවල් දැක්කම අපිට නම් තරහත් යනව..හරිම අත්භූත සිද්දි වෙන්නෙ මින් පස්සෙ,ගෙවෙන හැම මොහොතකම අපේ හිතේ කුතුහලයක් ඇති කරන්න මේ චිත්‍රපටයට හැකි වෙලා තියෙනව..ඇත්තටම මාර ගති කතාවක්..මේකත් අනිවාර්‍යෙන් බලන්න කියල තමයි මම කියන්නෙ..

ෆිල්ම් එක ගැන ඕප දූප:-
ඔස්කාර් සම්මානයටත් නිර්දේෂ වූ චිත්‍රපටයක්..මෙහි ප්‍රධාන චරිතයන් දෙක රගපාන්නෙ බ්‍රැඩ් පීට් හා එඩ්වඩ් නොර්ටන්..එමෙන්ම මේ චිත්‍රපටය IMDB චිත්‍රපට පෙළගැස්ම අනුව ලොව හොදම ෆිල්ම් අතරෙන් 21ක් වන ස්ථානයෙයි තියෙන්නෙ..බලනව නම් මෙන්න බඩු!

මෙන්න ලින්ක් එක!

Doomsday (2008) | භයානකයි

ඔන්න තවත් එළ ෆිල්ම් එකක්!අනාගත ගැන තමයි කියවෙන්නෙ..ඇක්ෂන් ෆිල්ම් බලන්න ආස අය නොවරදවාම බැලිය යුතු එකක්..හ්ම්ම්..ෆිල්ම් එක ගැන ටිකක් හරි අවබෝධයක් ලබා දෙන්න නම් කතාව වෙනදට වැඩිය කියන්න වෙනව මට,ඔන්න අහගන්න..2008 දී බ්‍රිතාන්‍යයේ බිහිසුණු වයිරසයක් පැතිරෙනව..මෙය ආසාදනය වුවන් බොහෝ ඉක්මනින් මිය යනව..ඒ වගේම මේ වයිරසය වේගයෙන් පැතිරෙනව..මෙයට ප්‍රතිකාර සොයාගැන්මටත් බැරි වෙනව..ඒ නිසා එකම විසදුම හැටියට ආසාදනය වූවන් වෙන් කරල සුවිශාල වානේ තාප්පයක් බදිනව..මින් මුලු බ්‍රිතාන්‍යයම දෙකට වෙන් වෙනව..මේ තාප්පයෙන් දෙපැත්තෙ කිසිම ගනුදෙනුවක් සිදුවෙන්නෙ නෑ..දැන් 2035 වර්ෂය,රෝගී පිරිස පිරින පැත්තෙන් ජීවයක් ඇති බවට කිසිම සලකුණක් නෑ..එක් දිනකදී නිරෝගී පිරිස සිටින පැත්තේ එක් පෙදෙසක මේ වයිරසය පැතිරි ඇති බව දැනගන්න ලැබෙනව නගරයේ ඉහළ නිළයන් දරණ පිරිසට..මේ අතරතුර කෙනෙක් හෙළි කරනව රෝගීන් කොටු කල පැත්තේ මිනිසුන් ජීවත් වෙන බවට චන්ද්‍රිකා චායාරූප ඇති බව..පසුව කණ්ඩායමක් යවනව ඒ පැත්තේ සිටින වයිරසයට ඔරොත්තු දෙන මිනිසුන්ගේ ලේ සාම්පලයක් ගේන්න..මේ කණ්ඩායමෙ නායිකාව වටා තමයි මෙතැන් සිට කතාව ගොඩනැගෙන්නෙ..තාප්පය එහා පැත්තෙ මිනිසුන් කොතරමි දරුණුද කියල ඔයාලට හිතාගන්නවත් අමාරු වෙයි..බලන්නකො කතාව..එළම තමයි..

මෙන්න ලින්ක් එක!

13B (2009) |බය වේවා!

මම නම් හොදටම බයවෙලා මේ පෝස්ට් එක ලියන්නෙ..Raaz 2 බැලුවට පස්සෙ අදයි හොල්මන් ෆිල්ම් එකක් බැලුවෙ..හ්ම්ම්ම්...හොල්මන් ෆිල්ම් වල ප්‍රදානම දේ බය වෙනවද නැද්ද කියන එකනෙ..මේක නම් බය හිතෙනව Raaz 2 වලට වඩා..හැබැයි මම කතාව කිව්වොත් ඔයාලට බය හිතෙන්නෙ නැති වෙන්න පුලුවන්..ඒත් මම පොඩ්ඩක් කියන්නම්..මෙහෙමයි..8 දෙනෙක් විතර ඉන්න පවුලක් ෆැලැට් එකක පදිංචියට යනව..නමුත් මේ කතාවෙ ප්‍රධානිය වන තරුණයට නම් මේ අලුත් ගෙදරදි අමුතුම අත්දැකීම් වලට තමයි මුහිණ දෙන්න වෙන්නෙ,අයියෝ මට මීට වඩා කියන්න ලැබෙන්නෙ නෑ ඔයාලට..කතාව හොදයි..වෙන ඒවයින් කෑලි අරන් තියෙනව අඩුයි..මේක අලුත් කතාවක් උනත් හොද රිප් එකක් තියෙනව..ඒක නිසා බාලම බලන්නකො..රෑට බලන්න..එහෙනම් කට්ටියම බය වේවා කියල ප්‍රාර්ථනා කරනව..ලින්ක් එක පහළ ඇති..

මෙන්න ලින්ක් එක!

Sydney White (2007)

මේ කියන්න යන්නෙ කොලේජ්/ටීන් මූවිස් වලට ප්‍රිය කරන අයට හොද ෆිල්ම් එකක් ගැන..හැබැයි ඕන කෙනෙකුට රස විදින්න පුලුවන් මේක..මේක බොහෝ පොදු කතාවක්,නමුත් ලස්සනයි..මම කතාව කිව්වම ඔයාල තීරණය කරන්නකො බලනවද නැත්ද කියල..මෙහෙමයි කතාව..අපේ මේ කතාවෙ නායිකාව සිඩිනි වයිට්..ඇයගේ අම්මා ජීවතුන් අතර නෑ..තාත්තා කාර්මිකයෙක්..ඉතින් සිඩ්නි බොහෝ විට පිරිමින් ඇසුරේ තමයි ඇතිදැඩි වෙන්නෙ..කොහොම හරි ඇයට යන්නට ලැබෙනව ඇගේ අම්ම ගියපු කොලීජියටම..මේ කොලීජියෙ ප්‍රදාන නිවාසෙක නායිකාවක් තමයි පාසලේ ජනප්‍රියම කෙනා..ඇයත් සිඩ්නිත් මැදිකරගෙන තමයි කතාව ගෙතිල තියෙන්නෙ..කොලීජියෙදි සිඩිනිට කරදර ගොඩකට තමයි මුහුණ දෙන්න වෙන්නෙ..ඒ ඇය පිරිමින් ඇසුරේ හැදී ඔවුන්ගේ රළු ගති පැවතුම් එහෙම තියෙන නිසා..හරිම රසවත් ඒ හැම සිද්දියක්ම..ඔයාල බලන්නකො කතාව,හරිම ලස්සනයි..මගෙ අදහස අනුව නම් තරුණ අයට තමයි මේක වඩාත්ම ගැලපෙන්නෙ..

මෙන්න ලින්ක් එක!

The Girl Next Door [2004]

මේ කියන්න යන්නෙ රසවත් චිත්‍රපටයක් ගැන...නමුත් වැඩිහිටියන්ට පමණක් සීමා වූවක්,බාගෙට කොමඩියක් කියන්නත් පුලුවන්...හ්ම්ම්..වැඩි විස්තර නොකිය මම කතාව කියන්නම්..හ්ම්ම්..එක් පාසල් සිසුවෙක් වටා තමයි මේ කතාව ගෙතිල තියෙන්නෙ..ඔහු අනික් සිසුන් වගෙ විනෝද වෙවී කාලය ගත කරන කෙනෙක් නෙවෙයි..අධ්‍යාපනයටම බර වූවෙක්..කොහොම නමුත් දවසක් මේ සිසුවාගෙ අල්ලපු ගෙදර පදිංචියට එනව තරුණ ගැහැණු ළමයෙක්,මේ සිසුවාගෙ සිතෙ ඇය ගැන ආදරයක් ඇති වෙනව..මේ දෙන්න එකට කාලය ගත කරනව,එකට ගමන්බිමන් යනව,සතුටින් ඉන්නව ටික දවසක්..ඒත් එක් දවසක් යාලුවන්ගෙ මාර්ගයෙන් මේ තරුණයාට දැනගන්න ලැබෙනව මේ තරුණිය නිල් චිත්‍රපට වල රගපාන තැනැත්තියක් බව..මෙතැන් සිට හැම දේම වෙනස් වෙනව..තරුණිය මොහුව මග අරිනව..නමුත් ඔහුගේ ආදරය අවංකයි...ඒ නිසා තරුණයට කරදර ගොඩකට තමයි මුහුණ දෙන්න වෙන්නෙ..ඒ මොනවද කියල බලන්න ඕන නම් ඔයාලට බලන්න වෙනව The Girl Next Door, මේක ආව දවස් වල ගොඩක් ජනප්‍රිය වුනා..ඔයාල තාම බලල නැත්නම් බලන්න..ගති ෆිල්ම් එක..

බානව නම් මෙතන කොටන්න!
18+ අයට විතරයි..
(සීඩිස් වැඩිය නෑ ෆිල්ම් එක ටිකක් පරණ නිසා...)

The Love Guru (2008)

ඔන්න තවත් වෙනස්ම වෙනස් කතාවක් ගැන කියන්න යන්නෙ..මේක ඉන්දියානු ආභාෂය අනුව හදපු ඉංග්‍රීසි කොමඩි චිත්‍රපටයක්..කතාව වෙනස් එකක්..හිනා යනවද නැද්ද කියල තීරණය වෙන්නෙ මේක බලන කෙනාගෙ රුචිකත්වය අනුව තමයි..කොහොම උනත් මම කතාවෙ තේමාව කියන්නම්..ගුරු පික්තා කියන්නෙ විශේෂ කෙනෙක්..ඔහු ඇමරිකාවෙ උපත ලැබුවත් ජීවත් වෙන්නෙ ඉන්දියාවෙ..දවසක් ඔහුට ඇමරිකාවෙ හොකී කණ්ඩායමක අයිතිකාරයෙක් බාර දෙනව ඒ කණ්ඩායමෙ සිටින හොදම ක්‍රීඩකයගෙ කැඩුනු විවාහ ජීවිතය නැවත හරිගස්සා දෙන ලෙස,මොකද විවාහය දෙදරා යාමෙන් ඇතිවූ හිතේ අමාරුව නිසා ඔහුගේ ක්‍රීඩා විලාශය බොහොම දුර්වල වෙලා තියෙන්නෙ..ගුරූ මේ වැඩේ බාරගෙන ඇමරිකාවට යනව..එහිදී වෙන දේවල් තමයි මේ චිත්‍රපටයෙන් දැක්වෙන්නෙ..කොහොම නමුත් මේ ගුරූත් එහිදී ආදරයෙන් බැදෙනව යුවතියක් සමග..ගුරූගේ සිද්දියත් ක්‍රීඩකයාගෙ සිද්දියත් තමයි මේ චිත්‍රපටයෙ පෙන්නන්නෙ..ටිකක් විකාර ගතියකුත් තියනව..ඒ වුනාට මේ වගෙ චිත්‍රපට වලට ආස අයත් ඉන්නවනෙ..ඒ අය බලන්න මේක..

බානව නම් මෙන්න ලින්ක් එක!

Camp Rock (2008)

හ්ම්ම්ම්..මේ කියන්න යන්නෙ තරුණ පිරිස අතර ගොඩක් ජනප්‍රිය වුනු ෆිල්ම් එකක් ගැන..තරුණ අයට විතරක් නෙවේයි ඕන කෙනෙක්ට බලල රසවිදින්න පුලුවන් ලස්සන කතාවක්...හ්ම්ම්ම්..මම කතාව ටිකක් කියන්න මේකෙ රසය නැති නොවෙන විදියට..මෙහෙමයි..එක් ගැහැණු ළමයෙක් ඉන්නව ගායනයට දක්ෂ..ඈය සහභාගී වෙනව Camp Rock නම් වැඩමුළුවකට,ඇයගේ අම්මා සූපවේදිනියක් වන අතර ඇයත් මේ වැඩමුළුවේ කෑම පිසීමේ වැඩ වලට එනව..ඒ වගෙම මෙම වැඩමුළුවට තවත් තරුණ දක්ෂ ගායෙකයෙක්..ඔහු තරමක් හිතුවක්කාර චරිතයක්..මොහුත් මෙම තරුණියත් අතර තමයි කතාව ගෙතිල තියෙන්නෙ..කතව මීට වඩා කිව්වොත් ඒකෙ අගය අඩු වෙයි කියලයි මට නම් හිතෙන්නෙ..කොහොම උනත් මේක ලස්සන ෆිල්ම් එකක්..High school musical චිත්‍රපටයට සමානකම් තියනව නමුත් මම නම් මේක ආසාවෙන් බැලුව..මම හිතනව ඔයාලත් ආසාවෙන් බලයි කියල..කතාවෙ විශේෂත්වයක් නැති උනත් බොහොම විශේෂ සිංදු ටිකක් තියෙනව..මේකේ තේමා ගීතය බොහොම ජනප්‍රිය උනා..ආකර්ෂණය,මානය,පාසල් ළමුන්ගේ නිදහස් සරළ පැවැත්ම හා සංගීතය එක් කළ කතාවක්..බැලුවට පාඩු නෑ... :D

බානව නම් මෙන්න ලින්ක් එක!

The Reader (2008) |අනිවාර්‍යෙන් බලන්න

හ්ම්ම්ම්...හිතාගන්න බෑ කොහොම පටන් ගන්නද කියල...මෙච්චර ලොකු අභියෝගයක් බාර ගන්නත් අමාරුයි කියල හිතුන මට මුලින්ම..ළගදි ආව ෆිල්ම් වලින් මම දැනට බලපු හොදම ෆිල්ම් එක මොකද්ද කියල කවුරුවත් අහුවොත් මම කෙලින්ම කියන්නෙ මේ ෆිල්ම් එකේ නම..ඒ මා ගැන නෙ..දැන් බලමු ෆිල්ම් එක ගැන..ඔයාලට ෆිල්ම් එකක් එක්ක පැය දෙකක් ජීවත් වෙන්න ඕන නම් බලන්න මේ ෆිල්ම් එක..හරීම ලස්සන කතාවක්..අධ්‍යක්ෂනයත් ඉතාම ඉහළයි..මම පිලිවෙලින් කතාව කියන්න යන්නේ නෑ..නමුත් මොන වගේ කතාවක්ද තියෙන්නෙ කියල කියන්නම්..හ්ම්ම්...කතාවෙ කිසිම තැනක අභිරහසක් නෑ,සටන් නෑ...ජීවිත දෙකක් දෙතැනක ගෙවෙන විදිය තමයි තියෙන්නෙ..අවුරුදු 16ක පිරිමි ළමයෙක් ඉන්නව,ඔහුට බොහොම දුර්වල පෞර්ෂත්වයක් තමයි තියෙන්නෙ..ඔහු ආදරයෙන් බැදෙනව වැඩිමහළු කාන්තාවක් සමග..ඇය දුම්රියක ටිකට් පරීක්ෂා කරන තැනැත්තියක්.මේ සම්බන්දකම මුළින් කාම සේවනයට පමණක් සීමා වෙලා තිබුනත් පසුව ආදරයකට පෙරළෙනව,මින් පසු මේ තරුණයාගෙ ජීවිතය සම්පූර්ණයෙන් වෙනස් වෙනව..මෙතැන් සිට තමයි නියම අයුරින් කතාව පටන් ගන්නෙ..( මම මේ කිව්වෙ කතාවෙන් පුංචිම පුංචි කොටසක් විතරයි )හ්ම්ම්..මේ චිත්‍රපටයේ තවත් විශේෂ ලක්ෂණයක් තමයි රාගී සිතිවිළි ඇවිස්සෙන්නේ නැති විදියට නිරුවත් දර්ශණ යොදාගෙන තිබීම..බාල පන්තියෙ කාම චිත්‍රපටයකින් ලැබෙන හැගීම ලබාගන්න හිතාගෙන නම් මේ චිත්‍රපටය ඩවුන්ලෝඩ් කරන්න එපා..ඒක මේ චිත්‍රපටයට කරන අපහාසයක් බවයි මගේ හැගීම..මෙහි කේට් ගේ රංගනයත් ඉතාම ඉහළයි....ආදරය,සතුට,හැගීම් අතර අරගලයක් මගින් ජීවිතයේ බැදීම් විස්තර කරන අපූරු නිර්මාණයක් ලෙසයි මම මේ ෆිල්ම් එක දකින්නෙ..අවුරුද්දට ලැබෙන නිවාඩුවෙන් ප්‍රයෝජනයක් ගන්න හිතනව නම් බලන්න The Reader,කාලෙකින් බලපු ලස්සනම ෆිල්ම් එකක් නේද කියල හිතෙයි..

මෙන්න ලින්ක් එක

Butterfly Effect: Revelation (2009)

හ්ම්ම්ම්..තවත් වෙනස් ෆිල්ම් එකක්..සංකීර්ණ එකක් කියන්න උනත් පුලුවන් මොකද ටික වෙලවක් යනකම් අපිට කතාව තේරෙන්නේ නෑ වැඩිය..මේ Butterfly Effect චිත්‍රපට මාලාවෙ 3 වෙනි චිත්‍රපටය...කළින් ෆිල්ම් දෙක නොබැලුවත් මේ ෆිල්ම් එකේ රසයේ අඩුවක් වෙන්නෙ නෑ....ෆිල්ම් එක ගැන කියනව නම් මේක විද්‍යා ප්‍රබන්ධ ගණයට තමයි අයිති වෙන්නෙ..රණ්ඩු සරුවල් එහෙම නෑ..(මට මතකයි X-files වල නම් මීට සමාන කතාවක් තිබුන )කොහොම උනත් මම කතාව කියන්නම්..ඔයාල කැමති නම් බලන්න..කතාව මෙහෙමයි..එක් පුද්ගලයෙක් ඉන්නව ඔහුට විශේෂ බලයක් තියෙනව තමන් කැමති කාලයකට ගමන් කරන්න..එම කාලයට ගිහින් එහි වෙන සිද්දි වෙනස් කරන්න උනත් ඔහුට පුලුවන්..කොහොම උනත් කතාව ගෙතෙන්නෙ මිණීමැරුම් 8ක් වටා,ඔහු යනව මේ මිණීමැරුම් කළ කෙනා හොයාගෙන..මේ කතාවෙන් ටිකක් විතරයි..බලන කෙනාට නම් හැම මොහොතෙම කුතුහලයක් ලබාදෙන කතාවක්..මේ වගෙ කතා වලට ආස අය බලන්න..ලින්ක් එක පහළ ඇති..

ලින්ක් එක!!

Big Stan (2007)

හ්ම්ම්ම්...ඔයාලට හොදට රසවිදින්න පුලුවන් ෆිල්ම් එකක් ගැන කියන්න ඕන කියල හිතල කල්පනා කරනකොට තමයි මේ ෆිල්ම් එක ගැන මතක් උනේ මට..මාර ගති ෆිල්ම් එකක්..මම කතාව කියන්නම්කො ඔයාටල..එතකොට ඔයාලටම හිතෙයි මේක රසවත් කතාවක් නේද කියල..කතාව මෙහෙමයි..
ස්ටේන් කියල කෙනෙක් ඉන්නව..ඔහු ව්‍යාපාරිකයෙක්..දවසක් එක් සිද්දියකට මොහුට නඩු පැවරෙනව..මේ නඩුවෙ තීන්දුව වන්නෙ අදින් මාස 6කට පසු ස්ටේන් අවුරුදු 3ක සිරදඩුවමක් විදිය යුතු බවයි..මේක ඇහුවම මොහු බොහෝ කලබල වෙනව,නමුත් ඔහුගෙ හොද පුරුද්දක් තමයි මොනව කළත් හරියට උත්සාහයෙන් කරන එක...ඉතින් මොහු තීරණය කරනව මේ නිදහස තියෙන මාස 6යේදි හිරගෙදර ජීවිතයට හුරු වෙන එක..එතින් මොහු කරාටි පන්තියකට එහෙම යනව..නමුත් එතන ඔහුට ඕන තරම් ඉහළට උගන්නන්නෙ නෑ එක පාරම..මේ අතරතුර ඔහුට හම්බෙනව විශෙෂ කාරාටි මාස්ටර් කෙනෙක්..ඔන්න දැන් තමයි කතාවෙ හොද හරිය පටන් ගන්නෙ..වෙනස්ම විදියක කතාවක්..මොහුගෙ හිරගෙදර ජීවිතේ කොහොම වෙයිද කියල බලන්න ඕන නම් බලන්න බිග් ස්ටේන්..මාර ගති ෆිල්ම් එක..මම නම් පටන් ගත්ත මොහොතේ ඉදලම ආසාවෙන් බැලුව..මට ෂුවර් ඔයාලත් ආසාවෙන් රසවිදියි කියල මේ සිනමා නිර්මාණය...

එළ කතාවක් බාන්න මෙතන කොටන්න..

The Spirit (2008)

හ්ම්ම්...මේ ෆිල්ම් එක ගැන කියන්නෙ හිතුවෙ ඔයාලගෙ කාලය ටිකක් ඉතුරු කරල දෙන්න හිතාගෙන...මම නම් කියන්නෙ මේක වැඩකට නැති ෆිල්ම් එකක් කියල..(මේකට ආස අයත් ඉන්න පුලුවන්) වෙනමම විදියක අධ්‍යක්ෂනයක් තමයි මෙහි තියෙන්නෙ..හ්ම්ම්..මේක සුපිරි වීරයෙක්ගෙ කතාවක්,වෙඩි වදින්නෙ එහෙම නැති,ලේසියෙන් මැරෙන්නෙ එහෙම නැති පොරක්...කතාවෙ බොහොම අදුරු දර්ශණ තල තමයි තියෙන්නෙ..මට නම් මේක කොහොම් වත් හිතට අල්ලල ගියේ නෑ..කතාවෙත් ඇති වැඩක් නෑ කියලයි මට නම් දැනුනෙ..ඔයාලට බලන්න වෙන ෆිල්ම් එකක් නැතිම උනොත් විතරක් මේක බලන්න කියල තමයි කියන්න වෙන්නෙ..

ප:ලි-මම මෙහෙම කිව්වට මේක හොද ෆිල්ම් එකක් කියන කට්ටියත් ඉන්න පුලුවන්..ඒත් මම මේ කිව්වෙ බොහේ දෙනාගෙ මතයන් මගේ මතයට සමාන වෙයි කියල හිතල..මොකද මේක හොද නිර්මාණයක රසය අපිට ලබා දෙනේ නෑ මම දැක්ක විදියට....

Shooter (2007)

මේ කියන්න යන්නෙ තීක්ෂණ බුද්ධියක් ඇති මිනීමරු යන්ත්‍රයක් බදු මිනිසෙකුගේ කතාවක් ගැන..මේ ච්ත්‍රපටයේ ප්‍රදාන චරිතයත් හිට්මෑන් වගේම කෙනෙක්..කොහොම උනත් මම කතාව කියන්නම් ටිකක්..එක් සොල්දාදුවෙක්ට බාර වෙනව ස්නයිපර් ප්‍රහාරයකින් කෙනෙක් මැරීමට..මොහු මේ මෙහෙයුම සාර්ථකව නිම කළත් අන්තිම මොහොතේ සතුරු හෙලිකොප්ටරයකින් ඔවුන්ට ප්‍රහාර එල්ල කරනව..මේ මොහොතේ ඔහු හමුදා මූලස්ථානයක කතා කර උදව් ඉල්ලුත් ඔවුන්ට උදව් ලැබෙන්නේ නෑ..මේ හේතුවෙන් මේ ස්නයිපර් තුවක්කුකරුවාගේ සහායකය මැරෙනව..මේ සිද්දියෙන් පස්සෙ ඔහු හමුදා කටයුතු වල සහදාගී නොවී බොහොම ගම්බද පෙදෙසක ජීවත් වෙනව..මේ අතරතුර ඉහළ නිලදාරියෙක් එනව ඔහුව හමුවන්න..මේ නිලදාරියා මොහුව පෙලඹගන්නව විශේෂ වැඩකට...මේ කතාවෙ මුල් ටික විතරයි..මෙතනින් එහාට කිව්වොත් ඒකෙ අගය නැති වෙනව..ඒ නිසා මම නම් කියන්නෙ මේක බලන්න කියල හැමෝටම..නිකම්ම මිණීමරුවෙකුගෙ කතාවක් නෙවෙයි මෙතන තියෙන්නෙ..කතාව බැලුවොත් ඔයාලට ඒක තේරෙයි..
මේ කථාවෙ තිබුන මම ආස කරන දෙබසක් මේ..
X:-I'm supposed to be dead
been a long night

Y:-why aren't u?

X:-Well,the the U.S government spent a lot of time and money teaching me how not to die!

මේක බැලුවොත් ඔයාලට තේරෙයි හරිම ලස්සන කතාවක් නේද කියල...ලින්ක් එක පහළ ඇති..

මෙන්න ලින්ක් එක!!

Passengers (2008)

මේ ෆිල්ම් එක ගැන කියන්න විස්තර ගොඩක් නෑ..ඒ උනාට ඔයාලට තේරුම් ගන්න පුලුවන් වෙන ගානට කියන්නම් මම..ඊට පස්සෙ ෆිල්ම් එක බලනවද නැද්ද කියල ඔයාලම තීරණය කරන්න..කතාව මෙහෙමයි..එක්තරා මගී ප්‍රවාහන ගුවන් යානයක් කඩාගෙන වැටෙනව මගීන් විශාල ගනනක් එක්කම..පසුව මින් බේරෙන මගීන් දරුණු විදියට මානසික කම්පනය පත් වෙනව...ඒ අයගේ මානසික තත්ත්වය යහපත් කිරීම සදහා එක්තරා වෛද්‍යවරියකට නියම වෙනව..මේ වෛද්‍යවරිය හා මගීන් අතර තමයි ච්ත්‍රපටයේ කතාව ගොඩනැගෙන්නෙ..මේ අණතුරට පත්වූ මගීන්ව විවිධ පුද්ගලයන් ලුහුබදිනව..කොහොම උනත් කතාව මුල ඉදලම අභිරහස් ගතියක් තමයි තියෙන්නෙ..ඒ අභිරහස විසදෙන්නෙ අන්තිම මොහොතෙ..නමුත් අපි හීනෙන් වත් නොහිතන විදියේ විසදුමක් තමයි ලැබෙන්නෙ මේ අභිරහසට..එකම වගේ කථා වලට සීමා වෙලා ඉන්න කෙනෙක්ට වටිනව මේ වගේ කතාවක් බලන එක..මොකද අන්තිම මොහොත දක්වාම අපේ හිතේ කුතුහලයක් තමයි රදෙන්නෙ..

අත්භූත කථාවක් බලන්න ඔනද?කොටන්න මෙතන!

Next (2007)

හ්ම්ම්ම්..මේක වෙනස්ම තාලෙ ෆිල්ම් එකක්..ඔයාලට ඉදිරි විනාඩි දෙකේදී සිද්ද වෙන දේවල් වෙන්නත් කළින් දැකබලාගන්න පුලුවන් බලයක් තියෙනව නම් කොහොම්ද?එළ නෙ?මේ කතාවෙ කතා නායකයට එහෙම බලයක් තියෙනව..ඒ නිසා තමයි මේක විශේෂ කතාවක් වෙන්නෙ..මෙන්න මෙහෙමයි කතාව..මෙහි ප්‍රදාන චරිතය රගපාන්නෙ නිකලස් කේජ්..ඔහු මැජික් ශිල්පීක් හැටියට සංදර්ශන පවත්වමින් ජීවත් වෙනව..දවසක් රහස් පරීක්ෂකවරු කණ්ඩායමක් මොහුව හොයාගෙන එනව..ඒ පිරිසෙන් එක්කෙනෙක් විශ්වාස කරනව මොහුට විශේෂ බලයක් ඇති බව..ඒ අනුව ඔවුන් මොහුව ලුහුබදිනව..නමුත් මේ මැජික් ශිල්පියා පලායන්නෙ පුදුම හිතෙන විදියට..(මොකද මොහුට පොලිස් නිලධාරින් ඉදිරියට ගන්න ක්‍රියාමාර්ග පේනවනෙ)කොහොම උනත් පසුව ඔහුව හොයාගන්න ලොකු මෙහෙයුමක් ක්‍රියාත්මක කරනව..ඔහුව මේ තරම් පොලිසියට ඕන කරල තියෙන්නෙ ඇයි?පොලිසියෙන් එන බව දුටු විට ඔහු පලා ගියේ ඇයි?අන්තිමේදි ඔහුගේ ඉරණම කොහොම විසදෙයිද?ඔයාලට එහෙම බලයක් නැති නිසා ෆිල්ම් එක බලන්නම වෙනව මේ ප්‍රශ්ණ වලට උත්තර මොනවද කියල දැනගන්න..ලින්ක් එක පහළ ඇති...

මෙන්න ලින්ක් එක!

The Pink Panther (2006)

ඔන්න තවත් එළ කොමඩියක්..මට මේ ගැන කියන්න මතක් උනේ පින්ක් පැන්තර් 2 ආව බව ආරංචි උන නිසා..පින්ක් පැන්තර් 2 වල නම් ඓශ්වර්යා රායිත් ඉන්නවලු..කොහොම උනත් 2 බලන්න කලින් 1 බලල ඉන්න එපයි..එකයි මේ ගැන කියන්නෙ..කතාව නම් බොහොම සරළයි..ක්‍රීඩා තරගයකදි වැදගත් පුද්ගලයෙකු අතේ පැලදගෙන සිටි පින්ක් පැන්තර් නැමති විශාල මැණිකක් අතුරුදහන් වෙනව..මේක සෙවීමට ඉහළ නිළයක සිටින පොලිස් නිලධාරියෙක් ගම්බද පොලිසියකින් කෙනෙක් ගෙන්වාගන්නව..ඒ ඔහු දක්ෂයෙක් නිසා නම් නෙවෙයි..ඔයාලට කතාව බලනකොට තේරෙයි ඔහුව ගෙන්වාගන්න එකේ අරමුණ..මේ ගම්බද පොලිස්කාරයා වටා තමයි කතාව ගොඩනැගෙන්නෙ,ඔහු අමුතු අමුතු ක්‍රම තමයි අනුගමනය කරන්නෙ රහස් හොයාගන්න..මිස්ටර් බීන් වගේ චරිතයක්..මේක හරිම ලස්සන ෆිල්ම් එකක්..කොමඩියක් හැටියට සාර්ථකයි..හොදට හිනා යනව බලනකොට..කාලෙකින් හොදට හිනා වුනේ නැත්නම් බලන්න පින්ක් පැන්තර්...

මේක බලල හිනා වෙන්න ඕන නම් මෙතන කොටන්න!

Troy (2004)

මේක එතරම් වැදගත් ලිපියක් වෙන එකක් නෑ..මොකද නිකමටවත් ෆිල්ම් බලන හැමෝම බලල ඇති කියල හිතන ෆිල්ම් එකක් ගැන මේ ලියන්නෙ..කොහොම උනත් බලල නැති එක්කෙනෙක් හරි මේ ලිපිය කියවල මේ ෆිල්ම් එක බැලුවොත් ලොකු දෙයක්...මම බලපු හොදම ඇක්ෂන් ෆිල්ම් අතරෙන් එකක් මේක..මම කතාවෙන් ටිකක් කියන්නම්කො..කතාවෙ මුල් ටික මෙහෙමයි..ස්පාටා නුවර අකිරීස් කියල යුද පුරාවෘත්තයක් වගේ මිනිසෙක් ඉන්නව(බ්‍රැඩ් පීට් තමයි මේ චරිතය රගපාන්නෙ)..ඔහු වටා තමයි මේ කතාව ගෙතිල තියෙන්නෙ..මේන්න කතාවෙ සාරාංශය..ස්පාටා හා ට්‍රොයි කියන්නෙ බලවත් රාජධානි දෙකක්..මේ රාජ්‍යන් දෙක අතර සාමය පවත්වාගෙන යන්න ට්‍රොයි වල කුමාරවරු දෙදෙනෙක් එනව ස්පාටා වලට..මේ ගමනෙදී එක් කුමාරයෙක් ආදර සම්බන්දතාවයක් ඇති කරගන්නව ස්පාටා වල රජුගේ බිරිදත් සමග..මේ සිද්දිය මුල් කරගෙන අතිශය බලවත් මේ රාජධානි දෙක යුධ වදිනව..මේ යුද්දයේදී අකිරීස් නැමැති අපරාජිත පුද්ගලයාගෙ ඉරණම තමයි මෙහි පෙන්වන්නෙ..මේක බලපු නැති අය ඉන්නව නම් ඒ බොහොම ටික දෙනෙක් වෙන්න ඕන..ඒ අයට මම කියන්නෙ මේක බලන්න කියල..මාර ගති ෆිල්ම් එක... :D

බානව නම් මෙන්න ලින්ක් එක!
(දැනට සීඩ්ස් තියෙනව..)

Disaster Movie (2008)

හ්ම්ම්..මේ ෆිල්ම් එක ගැන කියන්න තරම් විශේෂයක් නෑ..හොද ෆිල්ම් ගැන කියනව වගෙම වැඩකට නැති ෆිල්ම් වලින් ඔයාලව බේරගන්නත් හිතුන නිසයි මේ ගැන ලියන්නෙ..කවුරු හරි මේක බාන්න හිතාගෙන ඉන්නව නම් ඒ ගැන ආයෙ කල්පනා කරල බලන්න..මේ ෆිල්ම් එක ගැන ගොඩය අය බලාපොරොත්තු තියාගෙන හිටිය හොද කොමඩි ෆිල්ම් එකක් වෙයි කියල..මොකද මේක හදල තියෙන්නෙ ගොඩක් දුරට 2007 හා 2008 වර්ෂ වල ජනප්‍රිය වූ ෆිල්ම් වල අඩුපාඩු වගේම ඒවායෙ චරිත යොදාගෙන,එ නිසා මේක එන්න කලින් ගොඩක් අය හිතුව හොදට හිනා යන ෆිල්ම් එකක් වෙයි කියල..හ්ම්ම්..මට නම් එච්චර හිනා ගියේ නෑ මේක බලල,ගොන් ජෝක්ස් තියෙන්නෙ..ඔයාල මේක බාන්න හිතාගෙන හිටිය නම් ආයෙ ඒ ගැන හිතල බලන්න..

Into the Wild (2007)

මට හිතාගන්න බෑ මේ ෆිල්ම් එක ගැන කොහොම කියන්නද කියල..පිටු ගානක් ලියන්න පුලුවන්..ඒත් කොච්චර ලිව්වත් මේ ෆිල්ම් එක විනාඩියක් බලනකොට හිතට දැනෙන දේ විස්තර කරගන්න බැරි වෙයි..නියම සතුට,නිදහස සොයා යන තරුණයෙකු ගැනයි මේ කතාවෙන් කියවෙන්නෙ..සමාජයත් එක්ක කිසිම බැදීමක් නැතුව කැලයකට වෙලා ජීවිතය තේරුම් ගන්න හදන කෙනෙක්ට කොච්චර ශක්තියක් තිබිය යුතුද?ඒ ශක්තිය මේ තරුණයා තුල නොඅඩුව තියෙනව..මම මේ කථාවෙ පොඩ්ඩක් වත් කියන්නේ නෑ,මොකද මේක ඕනම කෙනෙක් බැලිය යුතුම කතාවක්..මේක බලන්න කම්මැලි හිතෙනව නම් ගිහින් බලන්න මේ ලින්ක් එකට..මේක සත්‍ය කතාවක්..මොහු කැලිෆෝනියාවේ සිට ඇලෙස්කාව දක්වා යනව..අතේ ඇති සල්ලි ඔක්කොම පුච්චල දමල තමයි ඔහු ගමන පටන් ගන්නෙ..මේ ගමනට අවුරුදු ගණනාවක් ගත වෙනව..ගමන අතරතුරදී සිදුවන දේවල් තමයි චිත්‍රපටයෙන් දක්වා තිබෙන්නෙ..මේ ෆිල්ම් එක හැම මොහොතකම ජීවිතය ගැන අලුත් පාඩමක් කියා දෙනව..ඔයාල කොච්චර 'බිසී' උනත් මේක බැලුවොත් ජීවිතේ,සතුට කියන්නෙ මොකද්ද කියල තේරෙයි..

බානව නම් මෙන්න ලින්ක් එක!

Marley & Me (2008)

හ්ම්ම්...මේක සාමන්‍ය පවුලක ජීවිත කතාවක් කියන්න පුලුවන්,ආදර කතා,කොමඩි ෆිල්ම්, කියන වර්ග දෙකටත් ඇතුලත් කරන්න පුලුවන්..කතාවෙ විශේෂත්වයක් නෑ..සාමන්‍ය පවුලක් සතුටින් ජීවත් වෙන්න දරන උත්සාහයක් තමයි පෙනවන්නෙ..නමුත් මේ පවුලෙ වැදගත් අමුත්තෙක් ඉන්නවා..ඒ මාලී..ඔවුන්ගේ සුරතල් බල්ලා,ඌ නිසා තමයි මේ කතාවට අමුතු පණක් ලැබිල තියෙන්නෙ.....ඔන්න මම කතාව පිළිවෙලට කියන්නම්..අලුතින් විවාහ වු යුවලක් බලුපැටියෙක් ගන්නව සුරතලයට ඇතිදැඩි කරන්න..නමුත් ඔවුන්ට හම්බෙන බලුපැටිය අධික්‍රියාකාරී එකෙක්..එක මොහොතක් එක විදියකට ඉන්න බෑ..ඒ වගෙම කවුරුවත් කියන දේ අහන්නෙත් නෑ..මේ යුවලේ ස්වාමිපුරුෂයා පත්තර වාර්තාකරුවෙක්..ඔහු තමාත් තම බල්ලා මාලිටත් වෙන සිදුවීම් ඇසුරින් විකට කතා තීරයක් ලියනව..ඒක ගොඩක් ජනප්‍රිය වෙනව..අපිට මේ ෆිල්ම් එකෙන් බලන්න තියෙන්නෙ ඔවුන්ගේ ජීවිත කතාව..තව කියන්නෙ නෑ මම මොකද මාලි කොච්චර ක්‍රියාකාරී,හිතුවක්කාර බල්ලෙක්ද කියල ඔයාලට තේරුම් කරන්න අමාරුයි මට....ඇත්තටම මේ වගේ බල්ලෙක් ඇති කරන එක පිස්සු හැදෙන වැඩක්..මේ බල්ලගෙ වැඩ බලාගන්න ඕන නම් බලන්න Marley & Me..සාමාන්‍ය පවුලක්,අධික්‍රියාකාරී බල්ලෙක් ඇතිකරමින් සතුටින් ජීවත් වෙන්න දරන උත්සාහයක් තමයි මුල් භාගයෙන් පෙන්වන්නෙ..නමුත් චිත්‍රපටයේ අවසාන භාගය කොච්චර සංවේදීව ගෙවෙනවද කියල වචනයෙන් කියන්න බෑ..

මාලිව බලන්න මෙතන කොටන්න!!

Yes Man (2008)

හ්ම්ම්ම්...මේක ෂෝක් ෆිල්ම් එකක්..ඔයාල අනිවාර්යෙන් බලන්න කියල තමයි කියන්න තියෙන්නෙ මට නම්..මොකද මම ගොඩ කාලෙකින් තමයි බැලුවෙ ජීවිතේට යමක් එකතු කරගන්න පුලුවන් ෆිල්ම් එකක්..ඇත්තටම ලස්සන නිර්මාණයක්..ඒ වගෙම ලස්සන කතාවක්..මම කතාවෙන් ටිකක් කියන්නම් ඔයාලට තේරුම්න් ගන්න පුලුවන් වෙන ගානට විතරක්..එක්තරා ආයතනයක වැඩ කරන පුද්ගලයෙක් සාමාන්‍ය පුද්ගලයෙක් තමයි මේකෙ ප්‍රධාන චරිතය..ඔහු ජීවිතයේ බොහේ දේවල් ප්‍රතික්ෂේප කරනව..විනෝද වෙන්න යන්නේ නෑ,අනුන්ට උපකාර කරන්නේ නෑ,ඒ වගේම ඔහු සතුටින් ජීවත් වෙනව වගේ හිතුවත් ඔහු සතුටින් නෙවෙයි ජීවත් වෙන්නෙ..මේ අතරෙ ඔහුට යාලුවෙක් කියනව Yes Man කියල වැඩසටහනක් ගැන..අකමැත්තෙන් වුනත් මොහු ඒ වැඩසටහනට සහභාගී වෙනව..හැම දේටම 'ඔවු' කියල වගකීම් බාරගෙන සතුට්න් ජීවත් වෙන හැටි එතනදි මේ කතානායකය ඉගනගන්නව..ඇත්තටම ඔහුගේ ජීවිතේ වෙනස් වෙනව එතන ඉදන්..ඔහු බොහොම ක්‍රියාශීලී පුද්ගලයෙක් බවට පත් වෙනව..කතාව මම කිව්වට වඩා ගොඩක් හිතට දැනෙනව ඒක බලනකොට..පුලුවන් නම් බලන්න..ඔයාලගෙ ජීවිතයටත් යමක් එකතුකරගන්න ලැබෙන බව නම් මට සහතිකයි...

ජීවිතයට ‍Yes කියන හැටි ඉගනගන්න..
මෙන්න ලින්ක් එක..

Snake Eyes (1998)

මම මේක බැලුවෙ මේ බ්ලොග් එකේම අපේ යාලුවෙක් දාපු කමෙන්ට් එකක් අනුව..කොහොම උනත් බැලුවට නම් පාඩුවක් උනේ නෑ මොකද ෆිල්ම් එක හොද නිසා..මේක ඇක්ෂන් ෆිල්ම් එකක් උනත් ෆයිට් එහෙම නම් නෑ බරපතල විදියට..මම කතාවෙන් ටිකක් කියන්නම්කො ඔයාලට දල අදහසක් ගන්න පුලුවන් විදියට..එක්තරා බොක්සින් තරගයක් නැරඹීමට පැමිණි ඇමරිකානු ආරක්ෂක ලේකම්තුමාට නාදුනන තුවක්කුකරුවෙක් වෙඩි තියනව..මේ සිද්දිය වටා තමයි කතාව ගොඩනැගිල තියෙන්නෙ..මෙහි ප්‍රදාන චරිතය රගපාන නිකලස් කේජ් පොලිස් නිලධාරියෙක් ..සල්ලි වලට කෑදර උනත් හොද හිතක් තියන චරිතයක් (ඔහුගේන් වෙනස්ම විදියේ රංගනයක් දැකගන්න පුලුවන් මේ ෆිල්ම් එකෙන්..)..කොහොම නමුත් ඔහු මේ සිද්දිය පිටුපස හඹායද්දි ඔහුට ජාතික ආරක්ෂාවට අදාල තොරතුරු රැසක් මෙන්ම ඔහුව මවිත කරන තොරතුරු ගොඩක් අනාවරණය වෙනව..මීට වඩා මේ කතාව ගැන කියන්න අමාරුයි,මොකද කතාවෙ අගය අඩු වෙන්න පුලුවන් ඒකෙන්..කොහොම උනත් බාගෙන බලන්න..පරණ වුනත් හොද කතාවක්...

බානව නම් මෙන්න ලින්ක් එක..
(දැනට නම් සීඩ්ස් තියෙනව පස්සෙ අඩු වෙයිද ෂුවර් නෑ)

Bangkok Dangerous (2008)

මම බලපු හොදම ඇක්ෂන් ෆිල්ම් වලින් එකක් කියන්න පුලුවන්,ඒකට නිකලස් කේජ් ගෙ රංගනයත් හේතු වෙන්නැති..කොහොම උනත් ඇක්ෂන් කතා බලන්න ආස අය නම් නොවරදවා බැලිය යුතු චිත්‍රපටයක්..මම මේකෙ කතාව ටිකක් කියන්නම්..නමුත් අන්තිම ටික ගොඩක් වෙනස් වෙනව,හොදේ... :D මෙන්න මෙහෙමයි කතාව..මෙහි ප්‍රදාන චරිතය වන ජෝ (නිකලස් කේජ්) වෘත්තීය මිණීමරුවෙක්..ඔහු ජාත්‍යන්තර මට්ටමේ වැඩ තමයි බාරගන්නෙ..ඔහුට බැංකොක් වලින් ඇණවුමක් ලැබෙනව 4 දෙනෙක් මැරීමට,මේ අනුව ඔහු බැංකොක් වලට යනව,ඔහුගේ සිරිත තමන් යම් නගරයකට ගිය පසු රස්තියාදුකාර තරුණයෙක් තම වැඩට අල්ලගෙන වැඩේ අවසන් වූ පසු ඔහුවත් මරා දමා රටින් පිට වීමයි..ඒ අනුව ඔහු බැංකොක් වල සිටි පික්පොකට් ගසන්නෙකු තම උදව්වුවට සොයාගන්නව..නමුත් පසුව ඔහුට තේරෙනව මොහු වෙනත් අයට වඩා වෙනස් බව..ඔහු ජෝ ගෙන් ඉල්ලා සිටිනව තමන්ටත් මේ ක්ශේත්‍රය පුරුදු කරන්න කියා...ඔයාලට ෆිල්ම් එක බැලුවොත් තේරෙයි ජෝ කොච්චර තද චරිතයක්ද කියා,ඒ වගේම ඔහු මෙම ඉල්ලීමට දෙන පිලිතුර කොහොමද කියලත් දැනගන්න පුලුවන්..මේ සියල්ල ඉටු කළත් ඔහු රටින් පනින්නෙ කොහොමද?බලන්නකො Bangkok Dangerous ..නියම ඇක්ෂන් ෆිල්ම් එකක්!

බාලම බලන්නකො..මෙන්න ලින්ක් එක!

Paul Blart: Mall Cop (2009)

ඔන්න තවත් අලුත් කොමඩියක්..ඒ වගේම ආදර කතාවකුත් තියනව මේ ෆිල්ම් එක ඇතුලෙ..ට්වී එකේ දැකල තමයි මම නම් මේක බෑවෙ..ඔන්න මෙහෙමයි කතාව..එක්තරා සුපිරි වෙළද සංකීර්ණයක ආරක්ෂක නිලධාරියෙක් වටා තමයි මේ කතාව ගෙතිල තියෙන්නෙ..බොහොම තරබාරු පුද්ගලයෙක් වන මොහු තම රාජකාරිය අකුරටම ඉටු කරන කෙනෙක්..මේ වෙළදසැල තුලම වෙලදාම් කරන තරුණියක් වෙත ඔහුගේ හිත ඇදී යනව..ඔන්න කොහොම හරි දවසක් මේ සුපිරි වෙළද සංකීර්ණයට හොරු කණ්ඩායමක් පනිනව..ඔවුන් අර තරුණිය ඇතුලු පිරිසක් ප්‍රාණ ඇපයට තියාගන්නව..ඒ වගෙම මේ ආරක්ෂක නිලධාරියත් කොටු වෙනව වෙළද සංකීර්ණය තුලම..ඔහු මේ පිරිස බේරගන්න දරන උත්සාහය තමයි කතාවෙන් පෙන්වන්නෙ..කතාව එච්චර විශේෂ එකක් නොවුනත් මේ පොරගෙ රගපෑම වගේම ඔහුගේ වැඩ දැක්කම හිනා යනව හොදට..කොමඩියක් හැටියට සාර්ථකයි කියන්න පුලුවන්...

බානව නම් මෙන්න ලින්ක් එක!

She's the Man (2006)

ඔන්න නියම විනෝදාස්වාදයක් ලබාදෙන ෆිල්ම් එකක්..මම හිතන්නෙ ගොඩක් අය මේක බලල ඇති..මම දැකල තියන්ව මූණු පොතෙත් සමහර අයගෙ ප්‍රියතම චිත්‍රපටයටත් දාල තියෙන්නෙ මේක..මම කතාව කියන්නම්කො ටිකක්..කොහොම උනත් මම කියන එවයින් නම් කතාව ගැන හොද නිගමනයක එලඹෙන්න අමාරු වේයි..බලලම තීරණය කරන්න!එක්තරා විද්‍යාලයක කාන්තා පාපන්දු කණ්ඩායම තේරෙන්නේ නෑ වෙනත් විද්‍යාල සමග පවත්වන තරග වලට සහභාගී වීමට..ඉතින් මෙම කණ්ඩායමේ ක්‍රීඩිකාවක් මෙය අසාධාරන දෙයක් බව පුහුණුකරුට කිවුවත් ඔහු කියන්නෙ මෙම විදුහලෙ පිරිමි කණ්ඩායම පමණක් වෙනත් තරග වලට සහභාගී වීමට සුදුසුකම් ලබා ඇති බවයි..එමෙන්ම පිරිමි ළමුන් ගැහැණු ළමුන්ට වඩා දක්ෂ බවත් ඔහු කියනව..මේ කියමන වැරදියි යැයි ඔප්පු කිරීමට මෙම ක්‍රීඩිකාව කොල්ලෙකු සේ වෙස්වලාගෙන වෙනත් පාසලක පිරිමි පාපන්දු කණ්ඩායමකට එක් වෙනව..මේ අලුත් පාසලේ ඇයට හරිම අපූරු දේවල් වලට මුහුණ දෙන්න සිද්ද වෙනව..ඇත්තටම හිනාත් යනව..කතාව නම් හරිම රසවත්..කම්මැලි හිතෙන්නෙ නම් නෑ එක මොහොතකටවත්..බලල නැත්නම් බලන්න කියල තමයි මම නම් කියන්නෙ..මොකද ඒ තරම් කථාව ලස්සනයි..

බානව නම් මෙන්න ලින්ක් එක!

Slumdog Millionaire (2008)

මේ ගැන ඉතින් මට කියන්න දෙයක් නෑ නෙද?කමක් නෑ..මම ලගදි දැක්ක ටොරන්ට් වල ඩීවීඩී රිප් එකක් තියනව..ඒක දෙන්න ඕන නිසයි ලියන්න හිතුනෙ...නිකමට වත් මේක බැලුවෙ නැති කෙනෙක් ඉන්නව නම් එයාට පුලුවන් බාගන්න..මේ ෆිල්ම් එකෙන් විශ්ණු දෙවියන්ට අපහාස වන බව කියා මේක මුල් කාලෙ ඉන්දියාවෙ තියගත කෙරුනෙත් නෑ හරියට..කොහොම උනත් හැමෝම දන්නව ඇතිනෙ මෙ ෆිල්ම් එක ඔස්කාර් සම්මාන 9ක් දිනාගත් බව..ෆිල්ම් එක බලල නැතත් කතාව ඔයාලට එහෙන් මෙහෙන් ඇහිල ඇති..මමත් පොඩ්ඩක් කියන්නම්..මෙහි ප්‍රදාන චරිතය වන ජමාල් මලික් ප්‍රසිද්ද රූපවාහිණී වැඩසටහනකට පෙනී සිටිනව,ඔහු පාසල් අධ්‍යාපනයවත් හරි හැටි නොලැබු කෙනෙක්..මෙහිදි විශේෂ බුද්ධිමතුන්ට පවා උත්තර දෙන්න අමාරු ප්‍රශ්ණ රාශියකට ඔහු උත්තර දෙනව..ඔහු මේ ප්‍රශ්ණ වලට උත්තර දෙන්නෙ කොහොම්ද කියන එක සොයා බැලීම හරහා තමයි මේ කතාව ගොඩනැගෙන්නෙ..මගේ මේ වැල්වටාරම් කියවන්න දෙයක් නෑ,කෙළින්ම කියන්න තියෙන්නෙ Slumdog Millionaire බලන්න කියල තමයි..

මෙන්න ලින්ක් එක!

How to Lose Friends & Alienate People (2008)

හ්ම්ම්ම්..මට හිතාගන්න බැරුව හිටියෙ මේ ෆිල්ම් එක ගැන ලියනවද නැද්ද කියල..ඒත් ඉතින් පස්සෙ ලියන්න හිතුන අමුතු ෆිල්ම් බලන්නත් ආස කට්ටිය ඉන්න නිසා..ලොකුවට ලියන්න අදහසක් නෑ මෙ ලිපිය..මේකෙ නමෙන්ම තේරෙනවනෙ මොන වගේ කථාවක්ද තියෙන්නෙ කියල..ඇත්තටම මට නම් මේ පොර ගැන මුල ඉදලම ඇති උනේ තරහක් ..මොකද පාළනයක් නැති කට හින්දා මේකෙ ප්‍රදාන චරිතය හැම දෙයක්ම අවුල් කරගන්නව..මෙන්න මෙහෙමයි කතාව..එච්චර ප්‍රසිද්ද නැති ඕප දූප පත්තරේක වැඩ කරන මාධ්‍යවේදියෙක් ඉන්නව..ඔහුගේ එකම ආසාව තමයි ප්‍රසිද්ද පුද්ගලයන් ඇසුරු කරන එක..මේ මාධ්‍යවේදියාගෙ වැඩ දැකල ප්‍රසිද්ද සගරාවක කතුවරයෙක් ඔහුව එහි වැඩට ගන්නව..නමුත් සුපුරුදු විදියට ඔහු හැමදේම අනාගන්නව එතනදිත්..නමුත් අන්තිමට ඔහු වැදගත් දෙයක් ජීවිතයට එකතු කරගන්නව..ෆිල්ම් එක බැලුවොත් තේරෙයි ඒ මොකද්ද කියල..මේ ලිපිය කියවල බලල ෆිල්ම් එක හොදයි කියල හිතෙනව නම් බාලම බලන්න...ලින්ක් එක පහල ඇති!!

මෙන්න ලින්ක් එක!

~~ Valkyrie (2008) ~~

හ්ම්ම්ම්....විශිෂ්ට ෆිල්ම් එකක් බැලුවා කියන හැගීම හිතට දැනෙනවට ආස නම් බලන්න මේ ෆිල්ම් එක..ප්‍රධාන චරිතය රගපාන්නෙ ටොම් කෲස්,එතුමාගෙ රංගන හැකියාව හොදින් පෙනවන ෆිල්ම් එකක් කියන්න පුලුවන්..සරළවම කියනව නම් උපරිමෙන් රස විදින්න පුලුවන් චිත්‍රපටයක්..මම මේ කතාවෙ මුල ඉදල කියන්න යන්නෙ නෑ..කතාවෙ සාරාංශය කියන්නම්..දෙවන ලෝක යුද්දය සිද්ද වෙන්නෙ හිට්ලර්ගේ ඒකාධිපති වියරුව නිසා ඔහුව ඝාතනය කිරීමට හමුදාවෙ ඉහල පෙලේ නිලදාරීන් කිහිප දෙනෙක් සැලසුම් කරනව,ඉන් පසු හදිසි අවස්ථාවකදී ක්‍රියාත්මක කිරීමට සැලසුම් කර ඇති වැල්කරි නම් මෙහෙයුම ක්‍රියාත්මක කිරීමයි ඔවුන්ගෙ අරමුණ..මෙහි ප්‍රදානත්වය ගන්නෙ අබ්බගාත කැප්ටන් එකෙන්ක්..ඔහුගේ මෙම ක්‍රියාදාමය තමයි මෙ චිත්‍රපටයෙන් පෙන්වන්නෙ..මේක සත්‍ය කතාවක් පදනම් කරගෙන නිර්මාණය වූ චිත්‍රපටයක්..මම නම් හරීම ආසවෙන් බැලුව..වෙනස්ම කාලෙකට අපිව ගෙන යන චිත්‍රපටයක්..

බානව නම් මෙන්න ලින්ක් එක!!

You Don't Mess With The Zohan [2008]

හික් හික්..මේක ගැන නම් ලියන්න හිතෙනකොටත් හිනා යනව..හොද ෆිල්ම් එකක්..හිනා යන කොමඩියක් කියන්න පුලුවන්..කාලෙකින් කොමඩි මූවි එකක් බැලුවෙ නැත්නම් මේක බලන්න කියල තමයි කියන්න තියෙන්නෙ..මේක වෙනස් තේමාවක් ගත් චිත්‍රපටයක්..මේ සෝහාන් කියන්නෙ සුපර් මෑන් වගේ චරිතයක්..අසාමාන්‍ය ශක්තියක් එහෙම තියන වෙඩි වදින්නේ නැති පොරක්..මෙයා හමුදා නිලධාරියෙක්,හමුදාවට අවශ්‍යම කෙනෙක්..කොහොම උනත් සෝහාන්ගෙ එකම ආසාව නම් බාබර් කෙනෙක් වෙන එක..යුද්දෙකට ගිහින් ආවත් නිදාගන්න ගියාම අඩනව තමන්ගේ ආසාව මතක් වෙලා..මේ නගරයේ ඉන්නව සෝහාන් වගේ තවත් ශක්තිමත් පොරක්,කොහොම හරි දවසක් මේ දෙන්නගෙ ෆයිට් එකක් යනව (හිනා යන විදියෙ ෆයිට් එකක්)මේකෙන් සෝහාන් පැරදුනා වගේ පෙන්නල පොර ඇමරිකාවට යනව බාබර් කෙනෙක් වෙන්න..කෝලම් නෙද කතාව?බලන්නකෝ එයාට එහෙදි හොද බාබර් කෙනෙක් වෙන්න පුලුවද කියල?හොදට හිනා යන ෆිල්ම් එකක්..බානව නම් ලින්ක් එක පහළ ඇති..

මෙන්න ලින්ක් එක!

Madagascar-Escape 2 Africa (2008)

මම මේ කියන්න යන්නේ ඇති වෙනකම් හිනා වෙන්න පුලුවන් කාටුන් එකක් ගැන..මැඩගස්කර් 1 බැලුව අය නම් මේක බලල ඇති බොහෝ වෙලාවට..කොහොම උනත් මේක එළම එළ ෆිල්ම් එකක් නිසා කියන්න හිතුව..මේ මැඩගස්කර් 2,මම නම් හිතන්නෙ මුලින්ම පළවෙනි එක බලල හිටිය නම් හොදයි කියල..කොහොම උනත් කමක් නෑ..මුලින් මේක බැලුවත් රසයේ අඩුවක් වෙන එකක් නෑ...ඔන්න අහගන්න,මෙන්න මේකයි කථාව..ඇමරිකාවෙ සත්තු වත්තක හිටපු සත්තු 4දෙනෙක් මැඩගස්කරයට එනව නැවකින්..මේ ටික වෙන්නෙ පළමු කතාවෙ,මේ කතාවෙ තියෙන්නෙ එතන ඉදල ඉතුරු ටික..ඔන්න මේ 4 දෙනා මැඩගස්කරයෙන් වෙන රටකට යන්න පිටත් වෙනව කාලෙකට ඉස්සර එහෙට කඩාගෙන වැටුන ගුවන් යානයකින්.. (කතාවෙ මේ හරියට එනකොටත් ඇස් වල කදුලු පිරෙයි,දුකට නෙවෙයි,හිනා වෙලාම..හික් හික් ) මේ සත්තු වත්තක පුංචි කාලෙ ඉදලම ඇතිදැඩි උන නිසා දන්නෙ නෑ කැලේ ජීවිතය කොහොම්ද කියල..කොහොම හරි මේ කබල් ගුවන් යානය කඩාගෙන වැටෙනව අමුතු රටකට..මේ සත්තුන්ට මුකුත් හිතාගන්න බෑ මේ රට ගැන..කොහොම හරි මෙහේ ජීවිතයට මෙ අය හුරුවෙන හැටි නම් හරිම අපූරුයි..කාටුන් නිසා බලන්න කම්මැලෙයි වගෙ හිතුනත් මම කියනවට බාල බලන්නකො..හිනා වෙන්න පුලුවන් කාලෙකට ඇති වෙන්න..හික් හික්..

~~බාන්න ඕන නම් මෙතන කොටන්න~~

සමාවෙන්න ඕන මෙහෙම ලියනවට.....

ෆිල්ම් ගැන ලියන තැනක මෙහෙම ලියන එක හොදද මන්ද..මම දන්නෙ නෑ මේ බ්ලොග් එක හැමෝටම ප්‍රයෝජනවත්ද කියල..කමෙන්ට්ස් අඩු වෙනව එන්න එන්නම..ඒකයි මට මෙහෙම ලියන්න හිතුනෙ..ඔයාල නිකමටවත් මේ බ්ලොග් එකෙන් ප්‍රයෝජනයක් ගත්තොත් පුලුවන් නම් කමෙන්ට් එකක් දාල යන්න හොදේ..මොකද මට මේ බ්ලොග් කෙරුවාවෙන් තියන එකම සතුට ඔයාලගෙ කමෙන්ට්ස් බලන එකත්,ඔයාල මේ බ්ලොග් එක ෆලෝ කරන එකත් විතරයි..ඒ වගේම මේ වැඩේ මීට වඩා හොදට කරන්න ඔයාලගෙ අදහස් මුකුත් තියනව නම් එවත් කියන්න..හොදේ...( යෝජනා චෝදනා අරව මෙව ඔක්කොම කියන්න :ඪ් )

~~Bolt [2008]~~

මේ කියන්න යන්නෙ ඇනිමේශන් ෆිල්ම් එකක් ගැන..හරිම ලස්සන කතාවක්..ටිකක් ලාබාල අයට තමයි වැඩියෙන් හොද,ඒ උනාට හොද ෆිල්ම් එකකින් රසයක් විදින්න පුලුවන් ඕන කෙනෙක්ට ගැලපෙනව..වැඩි විස්තර මොකටද..මම කියන්නම්කො කතාව...ඔයාලම තීරණය කරන්න බලනවද නැත්ද කියල..එක් ළමයෙක් පුංචි කාලෙ ඉදලම බලු පැටියෙක් ඇතිදැඩි කරනව බොහොම ආදරයෙන්..විද්‍යඥයෙක් වන ඔහුගේ පියාව බොහොම දරුණු මිනිගෙ විසින් පැහැරගන්නව..නමුත් ඊට කලින් පියා තම පුතුගේ ආරක්ෂාව සදහා ඔහුගේ බලු සුරතලාගේ ජාන වෙනස් කර සුපිරි බලයක් සහිත බල්ලෙක් කරනව..මේ දරුවා සහ බල්ලා දරුවාගේ පියා සොයමින් යන අතරතුර එන කරදර වලින් බල්ලා තමයි ඔහුව බේරගන්නෙ..නමුත් මේ සියල්ල බල්ලා යොදාගෙන කරන රූපවාහිණී වැඩසටහනක් පමණයි..බල්ලා මේ බව දන්නේ නෑ,ඌ හිතන්නෙ තමන් ඇත්තටම සුපිරි බලයක් සහිත බල්ලෙක් කියල..දවසක් මේ රූපවාහිණී වැඩසටහනේදී මේ ළමයා පැහැරගැනීමකට ලක් වෙනව..බල්ලා දන්නෙ නෑ නෙ මේ සියල්ලම රගපෑමක් බව..ඔහු තනියම මේ ළමයා සොයා යනව..කතාව හිතුවට වඩා වෙනස් නේද?ඉතුරු ටික ඔයිටත් වඩා වෙනස්..බලන්නකො Bolt ..මේ තමා සුපිරි යැයි සිතන බල්ලාට පුදුම දෙවල් වලට තමයි මුහුණ දෙන්න වෙන්නෙ..

~~බාන්න ඕන නම් මෙතන කොටන්න~~